在電郵收到王維基的香港電視網上商場（HKTV Mall）的廣告，開戶送100元購物券， 又睇到港視開台兩個半月收視急挫70%的消息， 港視最新一周收視每日平均點播用戶跌至6萬，直播收視戶9.9萬 ，都為維基哥擔心。
小鯊同一個傳媒高人飲茶，佢話維基哥好似有一種肥佬黎病， 一單嘢未搞好，又大力掟水搞第二單嘢，高人舉蘋果速銷做例子， 話肥佬黎當日搞速銷， 第一個月問公司內負責睇數的周安橋蝕蘋果速銷蝕幾多， 周安橋答話唔計開業投資月蝕2000萬，肥佬黎話蝕得唔夠多， 要蝕多啲才可以打開局面，如是者問咗兩個月，虧蝕一路增加， 到第三個月，月蝕3000萬，肥佬黎問數問到呢個月就無問， 盤生意唔掂，肥佬黎就無興趣睇，半年後不聞不問， 又轉去諗第二啲生意。結果蘋果速銷蝕咗15億先至執笠。
高人話後來肥佬黎搞台灣電視都有呢個現象，開始慶恰恰， 但開台半年唔係幾順，攞極都攞唔到牌，肥佬黎又唔想理， 又轉去搞第二啲嘢。佢鐘意打順景波，唔係幾識打逆景波。
高人話而家睇維基哥有類似病狀，港視無電視牌照樣網上開台， 但節目力量未夠，客戶試兩試無料到就走，所以收視回落得咁快。 但港視未搞掂，又開HKTV Mall，若然一個客派100元購物券，100萬客就派咗1億， 但新客嚟攞著數試咗一次，又唔係咁平，貨品又唔係咁特別， 用完著數就無番頭。
維基的算盤係港視無乜廣告，都可以做番HKTV Mall宣傳，問題係港視係唔係一個強勁宣傳平台? 以佢每日6萬點播戶、9.9萬直播戶計，加埋累計都係16萬， 除開1小時真係1個收視點6.5萬人都未夠，少過亞視收視人數， HKTV Mall想做宣傳，每年掟1000萬去亞視做宣傳， 肯定成為亞視最大客戶，真係由朝播到晚都得，多人睇過港視， 但唔使花港視1、2億的年開支，自己搞個台做自己的宣傳， 條數計唔掂喎。
小鯊
** 博客文章文責自負,不代表本公司立場 **
《香港01》母公司南海控股主席于品海爆煲，債權人建銀國際入稟申請于品海破產。破產呈請聆訊今早(3月26日)在高院舉行，暫委法官唐思佩下令于品海破產。
于品海破產，《香港01》前途未卜。(圖片來源:星島日報)
建銀國際在2017年貸款予于品海旗下公司Pippen Limited，由于品海作擔保人，Pippen Limited未能如期在2021年還款。建銀國際去年入稟向Pippen Limited、債券擔保人于品海等索償，要求他們支付欠款及利息逾4.16億元。于品海無力還款，一直想推遲破產聆訊未果，最終被法庭頒令破產。
老闆破產，《香港01》的前景存疑。
《香港01》傍晚刊出報道指，引述公司管理層指，《香港01》創辦人于品海未有於公司擔任任何職務，今次案件只牽涉于品海個人財務安排，稱《香港01》不受影響，如常運作。報道又引述消息指，于品海將於徵詢法律意見後再作下一步行動。
其實包括《香港01》在內的南海旗下公司何去何從，和于品海債權人建銀國際的行動有關。
建銀國際正多渠道追于品海的欠債。 第一步是向法庭申請扣于品海的資產。于品海的最主要的資產是他持有的南海控股股份。去年5月，建銀國際成功向法庭申請，接管于品海旗下包括Pippen Limited等5家子公司，當時這5家公司控制了南海總股本45.82%。同時聯交所權益披露資料顯示，當時建銀國際在南海的權益已增至50.85%，估計建銀國際已透過其他渠道，扣押另外5%南海股份。
建銀國際控制南海50.85%股份後，並不等如直接會控制南海的管理權，就現時的公開資料可見，南海仍然由于品海和身兼行政總裁的劉榮兩個執行董事控制著。由於《香港01》是南海的子公司，意味著即使建銀國際控制了南海過半數即50.85%股份，但《香港01》等南海資產仍由于品海等南海管理層管理。
去年8月10日，已被建銀國際接管的Pippen Limited向南海提出召開股東特別大會，作為新的大股東，要求通過委任7人入南海董事局。但南海管理層指公司允許擁有的董事人數上限目前為8名董事，建銀提議的7名董事獲委任，則董事人數將超過該上限。後來這個爭議更要打官司打到公司註冊地百慕達法庭。
由於南海後來被港交所除牌，故未知有關官司的進展，以及建銀委派的董事是否已加入南海董事局。
無論如何，建銀國際控制南海50.85%股權，它要派人入主公司，對方可以推遲一時，不可以推遲一世。而今次于品海破產官司更透露南海的淨負債可能高達39億元，已經資不抵債。建銀入主後會全力重整套現，賺錢的業務可能出售，蝕錢的業務可能關閉。
銀主入局，只會關注如何收債，如今仍有400多員工的《香港01》命運，就要看銀主入局後的抉擇了。
