政事
立法會財務委員會通過創新及科技局撥款的死線明日到期，特區政府班子總動員拉票兼批評泛民議員拉布，行政會議員成員羅范椒芬和人民力量議員陳偉業因此仲嗌晒大交。
羅范係行會成員兼香港科技園董事局主席，推動創科局不遺餘力。電台昨日先訪問羅范，跟手打俾全力拉布的人民力量陳偉業，大舊就爆料，說前晚俾羅范發短訊鬧。
羅范不示弱，自行讀出短訊，又話：「陳議員唔騷我仲鬧我添！你鬧我先！」羅范話佢在短訊中叫陳偉業放行創科局，強調「千里之行始於足下。我愛香港，不忍見它沉淪」。
大舊回覆隊佢話:「有你們管治，香港必定沉淪」，羅范就還拖，再向大舊發出短訊，「剃人頭者，人亦剃之。傷害無辜者，天誅地滅」。
兩人在電台節目中針鋒相對，大舊質羅范：「阻住你成立創科局就要天誅地滅？」羅范反擊謂：「我點樣令到香港沉淪？」
創科局撥款咁重火藥味，預計明天開會都係由頭打到尾，關鍵係財委會主席張宇人有無決心與技術去剪布啦。
Ariel
** 博客文章文責自負,不代表本公司立場 **
港大法律系教授陳文敏疑被狙擊事件，近日又有新發展。《明報》前總編輯、法律學院校友劉進圖昨撰文爆料，指「一些極具影響力的政府人士」親自致電若干校務委員，要求否決陳文敏任副校長的建議，更形容港大學術自主遭受前所未有的威脅」。今日蘋果日報亦再引劉進圖的文章，稱有政府人員致電校務委員，要求否決遴選委員會成員一致推薦陳文敏任副校長的建議。又訪問咗公民黨法律界議員郭榮鏗表示，從校內人士口中得悉，特首梁振英及行會成員曾經直接游說校務委員，務求使陳文敏「墮馬」。
特首辦發表聲明，表示「行政長官及特區政府沒有干預香港大學副校長的遴選工作。對於有關報道的失實指控，深表遺憾。」
政府消息人士亦大力否認有件咁的事，就話昨日特首宴請港大校務委員時，並無講過陳文敏事件，亦無提過學院，消息人士又話特首對港大的發展甚為支持，昨日的會面宴請當中，港大校務委員會仲提到學生宿舍不足，特首仲承諾幫佢哋搵地去發展宿舍。另外消息人士又指上個月，特首亦出席咗港大校長官邸舉行的捐款典禮，以示對港大的支持，所以大壓港大之說無從說起。
政壇中人就話劉進圖提出的指控，被特首辦否認，暫時停留在各說各話的階段，用法律語言來講就係「聞說證供」(hearsay)，暫時各有各講，往後的關鍵係指控者，能唔能夠搵出具體所謂接到電話的校務委員出來清澄講，究竟係乜嘢政府人士打電話同佢講咗乜嘢，如果無具體的證據，暫時就停留在口水戰的階段，好難講到落去，無論如何，陳文敏係咪出任港大副校長一事，已演化為政治爭拗，到底係阻到佢定係幫到佢出任副校長，就好難講，說不定愈多政治爭拗，港大愈會找到他做副校長，都唔出奇。
