陳文敏事件要鬥硬證據

港大法律系教授陳文敏疑被狙擊事件，近日又有新發展。《明報》前總編輯、法律學院校友劉進圖昨撰文爆料，指「一些極具影響力的政府人士」親自致電若干校務委員，要求否決陳文敏任副校長的建議，更形容港大學術自主遭受前所未有的威脅」。今日蘋果日報亦再引劉進圖的文章，稱有政府人員致電校務委員，要求否決遴選委員會成員一致推薦陳文敏任副校長的建議。又訪問咗公民黨法律界議員郭榮鏗表示，從校內人士口中得悉，特首梁振英及行會成員曾經直接游說校務委員，務求使陳文敏「墮馬」。

特首辦發表聲明，表示「行政長官及特區政府沒有干預香港大學副校長的遴選工作。對於有關報道的失實指控，深表遺憾。」

政府消息人士亦大力否認有件咁的事，就話昨日特首宴請港大校務委員時，並無講過陳文敏事件，亦無提過學院，消息人士又話特首對港大的發展甚為支持，昨日的會面宴請當中，港大校務委員會仲提到學生宿舍不足，特首仲承諾幫佢哋搵地去發展宿舍。另外消息人士又指上個月，特首亦出席咗港大校長官邸舉行的捐款典禮，以示對港大的支持，所以大壓港大之說無從說起。

政壇中人就話劉進圖提出的指控，被特首辦否認，暫時停留在各說各話的階段，用法律語言來講就係「聞說證供」(hearsay)，暫時各有各講，往後的關鍵係指控者，能唔能夠搵出具體所謂接到電話的校務委員出來清澄講，究竟係乜嘢政府人士打電話同佢講咗乜嘢，如果無具體的證據，暫時就停留在口水戰的階段，好難講到落去，無論如何，陳文敏係咪出任港大副校長一事，已演化為政治爭拗，到底係阻到佢定係幫到佢出任副校長，就好難講，說不定愈多政治爭拗，港大愈會找到他做副校長，都唔出奇。

Ariel

** 博客文章文責自負,不代表本公司立場 **

預算案就快殺到來，傳出消息話今年度的盈餘，會由原先估計的200億變成600億，單係辣椒稅在樓中已經收咗200億，咁多盈餘可以預計到，預算案出來之後其中一個主題都係要求政府派錢。

依家傳出的消息，財爺都會出招，唔派又派，乜都派吓，例如向打工仔退稅，上限將高於去年1萬元；例如子女免稅額提升啦；又例如係公屋話唔免租，依家又免租一個月，差餉會減兩季。市民經歷過煲呔曾的年代，比較大力派水，甚至派6000元現金，其後停咗，到現在覺得財爺依家出呢啲招數，都只係少恩少惠，當然在現今的世代，派幾多都唔會夠，但政府作為一個俾人鬧少啲的動作，點都搵啲甜頭出來，都係合理行為。

立法會中人就話唔好睇今年的預算案唔會無風無浪咁，未來暗湧都幾大，雖然政府話吸納咗部份泛民建議，例如民主黨提議將公屋攞出來買等等，都有接納佢哋的意見，但係政府已經放晒風話會全線杯葛民主黨黨慶，恐怖民主黨都唔會同你客氣，在預算案問題上亦唔會俾面。今年的預算案除咗面對激進民主派的狙擊外，其他泛民都可能會出招，財爺都要預咗要挨啦。