忘記 - 朱雀神君
話說，學左術數 6 年，跟隨師傅學左子平八字、面掌相、文王卦、風水........等等
上緊堂既時候有好多既練習機會，會不停問朋友、親人用例子去練習
但近兩年，專注起工作上面，都無咩時間去練習，所以功力有所大減，小徒真係愧對師傅
但係最常用既文王卦占感情、事業，反而多人問之下，又會變得好熟練
六合、六沖最容易睇，一睇就知道唔得
跟住睇世應 & 妻財官鬼爻
又例如八字咁，好多人問幾時可以拍拖、性格點樣，呢方面既野，又真係好多機會練習
最緊要睇吓有無影響夫妻宮同子女宮，當然大運同流年都好重要
反而面掌相就真係成日用到，有時候新同事入嚟，都會望下，睇下咩性格，盤算之後可以點樣相處
有時候有一個唔識既同事走埋嚟，望一望個相，係有機會分得出佢係唔係老細，如果係既，就要醒醒目目，唔好答錯問題
對住自己老細，特別重要！因為你可以一眼就望得出佢係一個點嘅人，麻煩定係唔麻煩
但係去到最後，我覺得學習唔可以一樣精，其他既唔常問既唔記得
黎緊師傅開堂，真係要揾番個機會去上下，複習番自己唔記得既野！
有時間就要去揾多啲朋友仔練習下
繼續起術數呢個路途到發展
香港兔蘆術數學會
** 博客文章文責自負,不代表本公司立場 **