「過節肥胖症」馬上重3磅

新春佳節又是喜氣洋洋的日子，過節返工後大家恭喜完， 幾個美女又話肥了，特別係秘書小姐Maggie，簡直肥了一圈， 我問佢重咗幾多，佢哭喪著臉話重咗3磅呀，仲話佢以經忍口， 無狂食啦，唔知點解都係肥。

我話佢係「過節肥胖症」，新春食嘢又多又雜又油， 更是減肥一族之大敵。建議佢減磅之前，先為佢解解病因。 很籠統的說，是新春食嘢仲衰過平時，食多咗，更易肥。

上班族平時食嘢都唔健康架啦，早餐去大X樂食大約400千卡( kcal)，午餐又食快餐大約600千卡，晚餐出外食約1200 千卡，一天大概2200千卡。中國的衛生部門提議一般人攝入量是 2000千卡，但是以我的實際經驗，很多衛生部門推薦的， 如香港政府說的食物金字塔，三份飯、二份菜、一份肉， 都不是減肥健身的食譜，我只能說是微胖食譜（ 所以出來講話的醫生都是胖胖的）。要有好身裁都不要完全聽他們的 ! 建議吃1500千卡以下。結論係平時已經食多咗。

到過節仲大鑊，食多三分一，一日可以食到3000千卡以上！即係食得比應該食的1倍有突。你問有無咁誇，我計俾你睇。

過年一天吃喝日程如下:

起來吃早餐，蘿蔔糕加年糕。

到爸媽家拜年，中午飯大魚大肉。

到處拜年「抓銀」，糖果、角仔、曲奇不會少。

親戚朋友邊打麻雀，邊吃果仁。

再去家長屋企拜年吃晚飯，豐富大餐。

當中六大必食係致肥元兇

1.油炸食物

100g熱量就有 500千卡

一天3、4個角仔或其他油炸食品就500千卡了。

2.果仁

100g熱量可以高達750千卡

果仁易入口，新春食開心果、腰果好意頭，一天吃幾次， 吃完半罐小的250g裝絕無問題，又加900多千卡。

3.糖果

朱古力、各類糖果、糖蓮藕、糖椰角、糖蓮子等

100g有5-600千卡。

叫做忍住口一天只吃50g（四五粒朱古力，或一條小裝的朱古力） ，等於300千卡。

4.餅乾

曲奇等等。

100g熱量500千卡。

一天輕鬆50g（5-6塊），約250千卡。

5.糕類

蘿蔔糕、年糕等等。

100g蘿蔔糕熱量154千卡，甜年糕200千卡以上。

吃四五塊又400千卡。

6.高油飯餐

節日心理放鬆，吃飯對肥的東西都特別不靈敏，都會吃些肥豬扒、 肥雞、扣肉等等。還有飲啤酒、汽水或甜飲料， 兩餐能量攝入量就高至3000千卡。

算一算一天就5350千卡以上，比平日多了3150千卡!4天假 期就多了12600千卡，忽略能量轉換效率流失， 用科學方法計一計，1.4公斤（約3磅）的脂肪就存在身上。

Maggie聽完眼都突，話我講中晒佢過年一日的飲食流程， 露出欲器無淚的表情，我話急救身裁永遠未為遲，知道呢3磅點嚟， 明日教番你趕走呢3磅的方法。

Lobo

** 博客文章文責自負,不代表本公司立場 **

減肥其實不難，生活中的小心思，都可以是很有效的減肥方法，現在和大家分享六招減肥: 水、泡、排、飯前紅蘿蔔、刷牙、睡覺。

 

1.多喝水，排水。 水是沒有熱量的，正常人喝水不會胖的，有很好的清洗身體作用，排出身體垃圾，有減肥功效。 人體缺水10%已經會對身體運作有影響，但是當人感覺口渴的時候，已經是缺水20%以上，所以不要等到口渴才喝水。

 

 

2.泡腳、泡浴和熱水涼。 有機會多泡，能夠讓身體出汗，通氣血，對減肥都有作用。沖涼時還有心理激勵作用，在鏡子見到自己胖就知恥近乎勇，積極減肥，見到自己身裁有進步，就有動力堅持。

3.排毒。 肥胖的人很多都有便秘問題。多吃少加油的水煮菜、纖維、車前子纖維粉等（藥房連鎖店有售），很多貴價減肥補充劑，其實只是纖維粉，所以直接吃纖維粉就可以了。平時多喝水，常常輕揉肚子，身體沒有垃圾堆積，人健康又有減肥效果。

4.飯前吃紅蘿蔔泥、吃蘋果、橙等水果都行，可以增加飽腹感，紅蘿蔔升糖指數高但熱量不高，可以增高血糖，減飢餓感。讓你食飯時不會多攝入熱量。

 

5.刷牙。飯後早一點刷牙，牙膏的香味、再刷牙的麻煩，會令你少吃零食和宵夜。

6.睡覺。適當健康的睡眠，有減肥效果。有沒有留意早上起來洗澡照鏡子，會發現身體是特別瘦的，因為睡眠時會增加瘦素（leptin，個名好吸引哩）分泌，分解脂肪，所以愈不睡愈肥。如早上時間許可，可以做些腰腹運動等等，特別有效。

做齊六招，兩個月內可收減磅之效，不信，試試。