去年國務院總理李克強的政府工作報告，只提及一國兩制，未有放「 港人治港、高度自治」八個字落去，惹起一點爭議， 今年的政府工作報告「港人治港、高度自治」重現， 又係唔係代表阿爺對香港政策好軟呢？
全國人大代表田北辰話，重現八字突顯今年是特殊的一年， 反映中央希望政改能夠通過，因為政改正針對港人治港、高度自治。
政壇中人話，阿爺擺到明話想政改通過，但加番「港人治港、 高度自治」落去，唔等如同想通過政改，兩件事無乜關係。其實「 港人治港、高度自治」《基本法》寫到明，唔會取消得到。 去年工作報告無講，見有反響，加番都好正常。
但又唔可以從加番這八個字去詮釋阿爺軟咗。若要咬文嚼字， 今次報告第一次以「嚴格依照憲法和基本法辦事」，代替過往「 全面準確落實基本法」。話到「嚴格」，都有從嚴的意思掛。
北京開會的會友對「嚴格依照憲法和基本法辦事」，有幾重解讀， 第一佔中係違法，以後呢啲犯法嘢唔好搞。 第二基本法講明特首普選先要經過提委會這一關， 搞政改唔好諗唔使經提名委員會，人大常委會8.31決定講出具體方式，亦唔好旨意有得改。第三而家香港興起的港獨思潮， 違反憲法和基本法，諗都唔好諗。總結一句是阿爺仍然企硬立場， 無變喎。
Ariel
** 博客文章文責自負,不代表本公司立場 **
全國人大今日開鑼，克強總理作政府工作報告，你知呢啲報告咁長，一般人無乜興趣睇，Ariel問過出席者，總結份報告有幾個特點。
特點一，報告第一次單獨講海洋經濟。特點二，簡政放權，大道至簡，有權不可任性，他這樣說是將網路語言上大雅之堂。特點三，推動具備條件的民間資本依法發起設立中小型銀行等金融機構，成熟一家，批准一家，不設限額。特點四，積極有效利用外資，積極探索准入前國民待遇加負面清單管理模式。
總的感覺是中國進一步深化經濟改革，就如克強總理一直講，中國過去有人口紅利(即勞動人口在總人口中的比例上升，所帶來的經濟成長效益)，而家中國人口開始老化，人口紅利用完，開始要有「改革紅利」。
另外唔少人大政協在聯會上發言，有與會知情人士話，馮國經昨天的發言最有品質。馮國經提出下一個五年規劃「十三五」時期，香港應大力推動新經濟的發展，使香港經濟從財富推動型轉變為創新推動型。香港發展新經濟需借助內地的大巿場，應進一步消除與珠三角地區之間的流通障礙，既利用香港較為發達的服務業推動國家服務業的發展，亦為香港發展新經濟提供廣闊的市場腹地。要積極推動粵港兩地服務貿易「全面自由化」，實現粵港澳「全流通」。他建議將建立「華南地區共同市場」納入「十三五」規劃加以討論。
馮國經講經濟較有前瞻性，希望將來用得到佢的建議。
