李國章一枝重炮殺入港大校董會

香港大學近期政治風波不斷，港大校董會主席梁智鴻的任期將於今年 11月屆滿，消息傳出港府屬意委任行會成員李國章接任， 預計會先委任有「亞瑟王」 之稱的李國章接替校董黃嘉純留下的空缺，先做校董會成員， 為他接任主席鋪路。

大學校董會接連換人，特首CY上周五委任行政會議成員廖長城為科 技大學校董會主席，隨即惹起科大學生會的不滿。 委任李國章入港大校董會，一樣唔會平靜。

亞瑟王屬「超重量級人馬」，他曾擔任中文大學第四任校長， 又做過教育統籌局局長，在教育方面的背景無可質疑。 不過亞瑟王以作風強硬見稱，可以肯定搵佢入港大， 都係一個和親泛民學者對打的局面，CY顯然是搵重炮入港大。

有意見話，中大最近排名跌出百大，其實中大都有好多嘢要執， 找亞瑟王去做中大校董會主席更啱。政壇八卦友就話，在政府眼中， 中大面對的只是學府本身問題，但港大的卻是政治問題， 亞瑟王擅長玩政治，咁好人材，搵佢港大啱啲啦。

Ariel

** 博客文章文責自負,不代表本公司立場 **

民主黨何俊仁同「長毛」梁國雄，在2012年指特首梁振英參選期間，就大宅僭建問題作失實陳述，分別提出選舉呈請及司法覆核，想推翻選舉結果，結果一齊敗訴。

件事仲有下文，鐵頭仁同佢的律師拗唔掂數，律師事務所周二入稟高院，向鐵頭仁追討律師費，並要求法庭評估當年的訟費。入稟狀無透露具體金額，何俊仁亦唔肯講金額係幾多，只係話同律師行開的價錢有分歧，但有傳高達200幾萬。根據司法機構的公告，案件在下月14日提訊。

鐵頭仁當日玩一玩，而家都有排煩啦。