你是綠茶控嗎？綠茶火鍋殺入灣仔

大學生吃什麼第三站：帶大家到食晏時分要同打工仔鬥快爭位嘅灣仔區食日本嘢！讀樹仁嘅新生，應該對喺灣仔區食晏諗到頭都大，除咗胡忠大廈嘅大家樂同合和入面嘅麥記同Starbucks，最多都係食下南記同金鳳。要好好地同同學仔Hea一個下午，梗係要去試下納思比依個色香味俱全嘅綠茶火鍋喇！

 

未入去之前，勸告各位大學生唔好俾外觀嚇倒，雖然價錢唔太平，但絕對物超所值！侍應慢慢攞緊個Fondue埋嚟嗰陣，小編同Cassie已經急不及待Standby定部相機，務求「相機食完」之後我哋兩個綠茶控可以盡快食到依期至Hit甜品

火鍋雖然份量唔多，但兩個女仔或一對情侶嚟食就just fit喇~伴隨火鍋上碟嘅配料用兩個方形盒盛載住，入面除左有新鮮嘅士多啤梨、藍苺、細小蜜瓜片、火龍果片同香蕉片以外，另外仲有三件蛋糕仔同幾粒軟糍俾你點綠茶漿，好Oiyishi呢！雖然火鍋細細，但唔洗幾耐火勢已經好猛烈，起曬泡泡！Cassie同小編講，點左綠茶醬嘅軟糍，一放入口即時有令人覺得雙眼變BlingBling嘅感覺！！實在係好好味的綠茶朱古力！唔太甜，香、濃郁、有綠茶應有的澀味！好有質素！再配合生果嚟平衡番朱古力既甜味，綠茶迷一定唔可以錯過！

Nasubi 納思比
灣仔謝斐道260-264號杜誌台地下6-8號舖

即刻LIKE FB: 大學生吃什麼~ 有更多靚相睇!

大學生吃什麼

** 博客文章文責自負,不代表本公司立場 **

「大學生吃什麼」第一站！首先帶大家去CITYU睇下大學生妹妹WING平時鍾意去邊度食野先！WING同我地講，平時除左又一城外，有時仲會一班同學仔行去石硤尾南山村品香樓食飯架！

「我最鍾意食呢度嘅蜜桃沙拉骨，外脆內軟，沙律醬酸酸甜甜，我每次嚟都一定要食架~」

「仲有凍朱古力都好出名，朱古力味好濃，上面仲有鮮忌廉！雖然飲完會肥，不過唔理喇呵呵。」

當日我地仲試左南乳炸豬手，小編第一次食炸豬手，原本咬落去感覺好搞笑，豬皮脆卜卜(有啲似韓國炸豬皮)，肉汁係南乳味，加埋上面嘅熟蒜，唔會太油，但食完真係有極大罪惡感。T_T

最後就係花枝帶子西蘭花，呢個係招牌菜，但小編就覺得同外面餐廳無大分別，但點都要叫個菜中和下架嘛，OK LA~！