紐約地鐵主題小食店Street Meat

唔少page followers問兩位小編，「大學生吃什麼」點解無出現過男仔？！好啦好啦~今晚我地就派出第一位「男神」啦！

身為大學生，一定唔少得同朋友出去飲下野放鬆下嘅機會，嚟到Happy Friday, 啱啱喺Poly畢業嘅Ryan決定帶大家去中環chill 下！

去飲野之前，通常都要食啲野頂肚。Ryan同小編講，佢鍾意去飲野前去一間以紐約地鐵站為主題嘅小食店Street Meat入面食招牌菜K-Town Ramen Burger，貪佢賣相吸引以外味道仲充滿驚喜！依個即叫即製嘅拉麵漢堡先以類似出前一丁嘅麵條炸脆，再放入和牛同Kimchee，入口鬆脆，食落完全唔覺得食緊Burger，反而似食緊韓式牛肉拉麵，感覺獨特新奇，絕對值得一試！

雖然Ramen Burger既睇得又食得，但份量偏細，所以食完再去開業無耐，以木做餐廳主題嘅The Woods同朋友飲下野，舒舒服服咁吹下水就Just Fit喇！

即刻LIKE FB: 大學生吃什麼~ 有更多靚相睇!

大學生吃什麼

** 博客文章文責自負,不代表本公司立場 **

春天終於嚟到，大地回春，係時候坐下露天cafe，享受下被陽光親吻下肌膚嘅感覺！

喺樹仁讀書嘅Angela同小編講，樹仁雖然位處於寶馬山，距離銅鑼灣唔算太遠，但一到食晏時間，無論上山同落山都要等好耐車，如果到2點左右又要同啲國際學校私家車爭上山，分分鐘會遲到。所以上完朝早嘅堂之後，最鐘意就係響學校過條馬路，到賽西湖商場地下嘅Coffee 101食晏，既唔駛嘥時間落山，又可以relax一下~

Angela話：「依間cafe開咗唔算太耐，見佢晏晝有約$60嘅pasta lunch set,唔算太貴，而且cafe以Vintage為裝修風格，店入面放咗大大小小各式各樣嘅懷舊裝飾品，當中有部真空管擴音機，一睇就知店主係識貨之人。一行入去，成個人都會感覺好休閒，所以我每逢番學食晏，都鍾意同同學仔一齊去食，食物味道唔錯之餘，仲可以響cafe入面放慢個人，同啲同學傾下計訴下苦，為忙碌嘅生活叉下電，舒舒氣。」

「其實除咗Pasta set以外，依間cafe仲有拉花拉得好精緻嘅咖啡，材料豐富嘅all day breakfast 同甜品供應，賣相唔差不突止，價錢仲好划算。」

雖然餐廳各方面都做得幾好，但可惜入面座位唔多，所以如果一大班朋友嘅話，可能就唔太啱feel喇～～

大學生吃什麼開咗咁耐，大家對依個page有咩意見想反映下呢？歡迎大家俾意見，我哋兩位小編會繼續努力，為大家搵更多好嘢食！多謝大家支持！！

即刻LIKE FB: 大學生吃什麼~ 有更多靚相睇!