政事
人稱「炒何」 的星島新聞集團主席何柱國今晚出席傑出領袖頒獎典禮時， 大炒泛民議員和佔中頭頭，佢話立法會議員中最叻係長毛， 因為佢最早走。
炒何話，長毛開會好多時鬧一鬧事就走，之後或者去蘭桂坊，或者去辦公室，總之就唔使再開會。好似何俊仁咁樣就蠢啦，要留在立法會用iPad睇女仔，唔好似長毛咁返辦公室睇咩都得。
另外學民思潮召集人黃之鋒今日被美國《財富》 雜誌評選為全球傑出領袖第10位。炒何叫黃之鋒不要高興得太早，因為《財富》經常搞錯，1997年香港回歸時《財富》就出咗個「 香港已死」的故仔，但10年後就要認錯。炒何又呼籲黃之鋒要讀多點書。
何柱國和林鄭月娥及影星劉嘉玲合照
何柱國亦讚揚政改三人組為港人爭取民主走出一步， 又希望社會不要讓20多位泛民主派搶走港人的普選。
Ariel
** 博客文章文責自負,不代表本公司立場 **
香港警隊獲選為星島新聞集團2014傑出領袖選舉中社會、 公共事務及環境保育組別的得奬者。政務司司長林鄭月娥出席典禮， 並頒獎給警隊代表。
林鄭話非常欣賞及敬佩警隊，又指自己是警隊的「粉絲」。 她讚揚警隊勇於承擔、敢於創新、善於管理，是各部門之冠。 佢講笑話自己有時偏心警隊，睇睇今年警隊加人手就知。
她憶述在佔領期間，她和警隊一哥曾偉雄等人經常捱夜開會，最令她感動是作出艱難決定時，曾偉雄當時說決定要對得起前線的同事。她特別說「多謝你一哥」。
散場時林鄭特別叫律政司司長袁國強、保安局局長黎楝國、警務處處長曾偉雄和一眾領獎警官一齊合照。
林鄭話佢做不同崗位時出街市民對她有不同稱呼，叫她署長、局長、 司長都有，但她最喜歡人地叫佢Madam， 她以身為警隊的同事為榮。
