【浸大生學生價歎all day breakfast 唔洗同人迫】

【浸大生學生價歎all day breakfast 唔洗同人迫】

上站去左CityU，知道嗰度嘅學生可以去樓下又一城食all day breakfast，小編已經好羨慕！點知天外有天，浸大校園入面竟然已經有all day breakfast食！一齊聽浸大嘅Janet BB講下：

「我成日要上好早嘅堂，早餐對我黎講真係好重要架(>﹏<)。呢間餐廳叫Bistro Bon，係浸大新校入面，我推薦呢個All-Day Breakfast，60蚊已經好飽，學生仲有九折，如果想食平d，可以order其他，一般都係30蚊。最重要係早餐時間唔多人食，唔會好似頹Can咁，坐一陣就想走。

我最中意食係個蘑菇，因為有d餐廳會整到佢好乾，但呢個蘑菇仲有好多汁，而且去左草菇味，易d入口，切既大小啱啱好可以一啖放入口。^_^ 另外，呢個All-Day Breakfast有好多菜，可能有部分人會抗拒，但廚師特登加左d蜜糖汁，食落甜甜地，好好味，值得一讚。＼(^o^)／」

哇，唔洗同人迫，個景又咁靚，小編都好想去呀！

即like我地FB: 大學生吃什麼 

大學生吃什麼

** 博客文章文責自負,不代表本公司立場 **

第二站~我地嚟到珠海學院！唔知平時珠海同學仔會食咩架呢？睇下Gigi點講先！

「作為珠海人，總面對吃飯的難題。得一小時空檔，應唔應該走出海濱花園，出去市中心食lunch呢？

海濱的餐廳雖然唔少，但總係無一間可以畀我地吹水坐低hea。

所以我們落堂就喪衝，坐十分鐘車去到葵芳呢間裝潢精緻的牧羊少年·咖啡·茶酒館。

大家都知港女（即係我）食飯，味道其次最緊要個樣靚！
呢到的all day breakfast 影相靚之餘，味道仲要唔錯，加分。

一盤有齊pancake、滑滑炒蛋、烘過脆卜卜既多士、腸仔仲有蕃茄，一次過滿足N個願望，仲可以用來自拍，睇得望得食得。

仲有仲有，我高度推介的燕麥桃乳酪。酸酸甜甜，係食咁大盤美食前可以幫手開胃。」

小編按：平時我行開平靚正嘅葵涌廣場，都鍾意去呢度坐下飲下下午茶，曬下日光浴~真係好relax架聽日星期日都可以去試下呀！不過記得早啲去排隊喔~