港視在美國大升30% 亂炒易中招

亞視昨晚6時新聞話，亞視大股東黃炳均及主要投資者王征， 將控制性股權賣予王維基控制的香港電視，並豁免大部分債權。 港視和王維基對此一直沒有回應。

至零晨仍未見港視(1137)在港交所網站發聲明回應事件，港視發言人深宵表示暫時不會有聲明。 由於港視有在美國納斯達克市場上市，昨晚炒過不亦樂乎，在美東時間11:33，港視股價9.88美元，比上日收市價7. 6美元，大升30%，隻股初段曾見過10.94美元的高位， 即是最多升44%!

 

Ariel估港視在美國這樣炒法，主要因為以為港視會收購亞視，問題是這件事如今只有亞視單方面公布，真假存疑。可靠消息話政府在昨日限期前沒有收到亞視任何重組建議，今天下午 3點將召開特別行會會議決定釘亞視牌。在美國炒港視的股民，好似摸黑炒股咁喎。

若然港視今早9:30在香港開市時既不停牌，又不發通告澄清的話，就咁開市，真係會害死好多人喎。Ariel 估計佢點都會在早上發個聲明講吓啩。

Ariel

** 博客文章文責自負,不代表本公司立場 **

亞視前途亂局未完，在最後向政府提交重組計劃的限期前，又爆單勁料，由亞視六點鐘新聞獨家報道公司接到股東黃炳均及主要投資者王征通知，決定接受香港電視主席王維基的主要條件，出售亞視控股權。亞視聲言有白武士一轉又一轉，唔通最後花落維基哥？搞到各路人馬齊齊打聽到底真唔真。

到Ariel寫稿呢刻，維基哥的港視仲未有回應呢個消息，搞到成件事愈來愈有疑點。亞視早前唔單止將啲片同劇賣咗俾無記，原來仲賣埋山頭的發射器材，Ariel仲八多單料，馬會過埋呢個馬季都唔會將轉播權俾亞視啦。馬迷睇慣咗咁多年亞視播賽馬，都要改吓習慣啦，根據條例，馬會會另有播放渠道。

對亞視來講，做唔做到落去都唔知，即使做到落去都少咗轉賽馬收入啦。