徐小明又來趁熱鬧

王維基出500萬一個月包底用亞視每日4小時，一如Ariel早 前所講，此建議對亞視極其雞肋，因為佢地每個月要蝕1500萬， 收王維基500萬捱落去唔知為乜。亞視的反應一如所料地負面， 亞視執行董事葉家寶在網誌話港視提出500萬元保底金額偏低， 又質疑港視網上啟播後點擊數字有下降趨勢，亞視轉播其節目， 收視是否吸引到足夠廣告客戶投放廣告以平衡租用費。

電視業內人士戲稱，上次王征自爆願意接受王維基收購， 搞到王維基一身蟻。今次王維基自爆願意低價租用亞視時間， 有少少報復意味。但維基哥自爆就炒起咗港視股價，爆吓真係無妨， 但成事機會睇嚟唔高。

而家好多人話願意入股亞視，王征又陷入一個同好多人傾的階段。 曾在亞視工作15年的資深電視人徐小明，聲稱已組成財團，集到2 億元，營運亞視餘下一年的牌照，另外又取得260小時劇集播放， 話希望借亞視展示實力，爭取政府未來發牌給他們。

徐小明更爆料話上周同王征傾過，又話相信王征開價從來未低過， 雙方在價錢方面的確未達成共識，正努力達成合作咁話。

亞視呢個剩餘牌照的牌局，愈打愈人多，問題是以王征的談判慣性， 恐怕都唔會咁爽快有協議喎。

Ariel

** 博客文章文責自負,不代表本公司立場 **

政府將在下星期公布政改方案，政府消息人士早前放風，話不是想拉走泛民5、6票，要係撬到泛民13、14票通過政改方案。Ariel早已講過，這是阿爺的最新口徑，認為政改方案一係唔通過，一過就係泛民10幾票大面積咁轉投支持票，政府取態只是反映阿爺的行動目標。

 

昨日特首CY在開行政會議前夕，被問到「政府如何撬到泛民13、14票，如何在不讓步的情況下有信心爭取到泛民支持?」，CY沒有具體回應，只是8次提到「有信心」，話「我哋對方案有信心……呢個方案係符合《基本法》，符合人大常委8.31決定，我哋對呢個方案有信心，因此我哋對方案獲得通過有信心……我哋要對方案有信心，我哋對拉票有信心。」

 

CY咁「有信心」，當然惹起一片猜疑，令人懷疑佢或中央有何皇牌在手。不過政壇高人就話，大家不需要對「有信心」過份解讀，CY「強勢去馬，一貫作風」，這根本就是他的特色，強勢去馬不等如「好大機會」，只等如「一往無前」。

 

中央話通過政改方案是「硬任務」，但並不等如話是「死任務」，過不到不會死人，CY咁講等如領兵打將前的吹雞口號一而矣。