工聯會開咪 請CY上陣 勁插陳淑莊 慨嘆香港面對三重打擊

工聯搞咗個youtube 頻道叫做「轆出嚟講-LookOut」，由契姐麥美娟、口罩廠長何啟明做主持，開台梗係要請重量級嘉賓，今次請咗政協副主席CY梁振英開壇。

CY(中)上陣，和契姐麥美娟(左)，口罩廠長何啟明(右)大講反對派攬炒之害。

CY一開講就直入主題，講到反對派攬炒之害，話過去有幾句話:「家有二千，每日二錢，全無生計，用得幾年？」如果香港經濟無活動無活水，有積蓄亦唔可以支持太耐，現時香港面對社會運動及疫情雙重打擊。

CY問一個零售界朋友，疫情之後，零售業幾時番生？他說：「睇吓班死仔返唔返轉頭！」如果班示威者又出返嚟放火，掟汽油彈，香港就好難會好。

CY指出第三重打擊是憂慮九月立法局選舉，因為反對派已經講到明，如果贏得超過五成議席，如果政府又唔同意他們五大訴求，就會反對政府未來所有撥款同議案，到時政府癱瘓，點樣可以撥款出糧、審批工程同埋推出勞工政策，所以香港而家係面對三重打擊！

麥美娟提到，去年人禍今年天災，我認識有個老闆去年已經係碌卡交租，今年情況更壞，卡都碌爆，唯有用卡數冚卡數，現時面對三重打擊，唔知幾時可以復甦。

而何啟明就講到陳淑莊事件，話「我哋係基層出身，人哋係飲酒出身，在抗聚令下，仲要40幾人逼在酒吧飲酒！」

CY對陳淑莊事件提出幾大質疑要對方答。

CY大力發炮，話「佢地以為拉咗半閘，就可以當做無營業，咁佢哋當晚飲酒，究竟有冇畀錢呢？如果有飲酒畀錢，又點可以算無營業呢？唔好以為有立法局議員在場，就可以豁免抗聚令。」

麥美娟不無諷剌地插口：「有酒樓老闆話，而家夜市冇生意，佢呼籲大家可以去佢間酒樓開會。其實我哋真係唔想有陳淑莊酒吧感染群組出現。」

CY回應話：「酒吧群組確診人數，佔全香港確診人數十分之一，真係好高危，因為喺酒吧裏面大家講嘢坐得好近，又逗留得耐，好似陳淑莊4月2日當晚，亦都逗留到翌日凌晨兩點。當晚出現嘅公民黨林瑞華，據聞會在9月代表飲食界參選，有記者想打電話訪問佢，問佢當晚飲酒嘅時候有冇傾選舉嘅事，佢淨係話喺面書已經答晒，佢話酒吧已經停業，已經移離客人，其實好多嘢佢喺面書都無答到….佢地要回應公眾質疑。」

想知CY開壇更多精彩內容，就要自己去工聯會「轆出嚟講-LookOut」頻道睇片啦。

Sebastian

** 博客文章文責自負,不代表本公司立場 **

「體育界撐體育界」是香港體育界在肆虐的疫情中叫出的口號，目的是自救之餘，也要向政府爭取對體育界的支援，因為第一輪抗疫基金並未涵蓋體育界，在疫情中政府下令停課，關閉體育康樂設施，叫停社會活動，已令絕大部分教練手停口停，說他們已經水浸眼眉，也不為過。

體育界選委眼見業界水深火熱，於是行動起，組成的HK Sport Alliance，在一個星期前開了個網上記者會，並在facebook設立專頁，為業界發聲。

發起人之一港協暨奧委會副會長霍啟剛，同全體體育界選委一直馬不停蹄地約見體育界的持份者了解影響，在三月中向業界進行問卷調查，量化了業界的失業情況極之嚴重，有70%教練跌至零收入，部分教練為了生計已經轉行，業界14%已經失業，人才流失嚴重。

霍啟剛與選委與業界人士會面了解他們的苦況。

霍啟剛與選委與業界人士會面了解他們的苦況。

霍啟剛與選委與業界人士會面了解他們的苦況。

霍啟剛與選委與業界人士會面了解他們的苦況。

霍啟剛和其他體育界選委更約見民政局局長劉江華，將業界調查報告交俾政府，終於特首在宣布第二輪防疫抗疫基金中，接納體育界部分意見，為業界提供一些支援，包括向強制關閉的場所如健身中心提供一次性10萬元補貼、向受僱於學校的體育藝文導師及體育總會的註冊教練發放一次性7500元補貼。

霍啟剛與選委將調查交給劉江華向政府爭取支援體育界。

霍啟剛期望有關資助如行政長官所言可迅速發放，能有及時雨的功能。不過，同時他指出，政府減少社交接觸的呼籲及禁聚令下，有關措施的支援力度仍然不足，覆蓋範圍不夠廣泛。

首先非強制關閉的體育教學場所幾乎無法經營，惟未能在今次計劃中受惠；其次學校導師及註冊教練僅獲7500元補貼，金額未如理想，希望政府會繼續研究支援，減緩業內的人才流失。

霍啟剛又認為，今次的措施只能起短期抒困作用，但未能因應疫情為未來作出較長遠的考慮，他們會繼續與局方爭取財政抒困以外的措施，包括爭取學校認可導師們以網上教學方式教學，並兼顧在防疫需要下，如何可以合理地、有限度地開放康文署轄下場地供市民使用，也可以讓教練有場地重拾教職。