博客文章
民政局局長徐英偉 Caspar 剛上任兩日，霍啟剛就殺到，向佢反映體育界的苦況。限聚令實施至今，食肆的座位間隔都放寬了，但所有體育場地還是全封，體育教練叫苦連天，霍啟剛馬上就去搵新局長反映意見。
霍啟剛出帖講見民政局局長徐英偉的情況，話「感受到局方對體育界嘅重視。」他的帖子更#其實戶外場地真係低風險。
雙方以踫手踭為禮。
霍啟剛話，他和局長都交換咗好多關於重開康體場地的意見，感覺到局方有誠意聆聽業界聲音，希望在符合限聚令同有足夠防疫措施下，場地可以快啲開放，幫到教練，市民亦可以安心在場地做返運動。
霍啟剛和徐英偉密斟。
佢更表示為咗配合政府防疫工作，呼籲各個體育總會同場地負責人做好場地重開嘅防疫準備，預備清晰指引俾場地使用者，準備就緒隨時迎接場地重開！
徐英偉新官上任十分積極。希望霍啟剛成功爭取，令體育場地可以在照顧防疫考慮的前題下，盡早開放。
Sebastian
** 博客文章文責自負,不代表本公司立場 **
從政三十年的劉江華在今次政府高層大地震下馬，離任民政事務居局長之職，這位曾經是民建聯的立法會、區議會、行政會議「三料議員」，可謂建制政黨一員大將，什麼風把他吹走？
工聯會立法局議員何啟明評論劉江華在反修事件中HEA做。網圖
工聯會立法局議員何啟明開咗個YouTube頻道，日日評時事，昨日就以「官場死因庭」為題，為市民大眾解畫「劉江華免職之謎」，呢位80後小將好勇，毫不客氣直指︰「原因好簡單，三個英文字 HEA， HEA令佢（劉江華）由月入廿幾萬人員的局長變成一名平民百姓。」
點解話佢HEA，發生咗乜嘢事？何啟明揭出自己親身經歷的「HEA」事件︰「在反修例事件中，民政事務局作為第一線同市民解畫部門，卻是十分之不作為，政府預備咗宣傳說明單張，透過民政事務局派發予市民，當時我為觀塘區區議員，在民政局分區事務處會議收到這份單張之時，已是反修例暫停之後。」當日反修例事件如斯緊急，民政局都真係HEA做。
何啟明問︰「我哋成個民政局係咪HEA呢？係咪有人處理失當而要問責？呢種HEA及至反修例11月之後，令成個區議會操作不知所謂，大家有目共睹，由藍絲與狗不得內進入某一個區議員辦事處，再去到支持二十三條市民，不得使用區議員嘅服務，仲有觀塘區議員掛起之辱華banner，完全證明民政事務局HEA，無做事。」
何啟明最後仲話︰「好似國家主席習近平講，為官避事平生恥，我哋個新局長徐英偉，你後生啲，有戰鬥力，你要謹記以上七字真言，否則你的路也同劉光華一樣。」此番寄語對劉光華的接任人、同為出身民建聯徐英偉，可謂語重心長。
其實好多建制派人士形容係劉江華下馬係「情理之中」，不過，好似啟明咁勇，行出來講出大家心聲的建制人士就唔多啦。
觀看影片按﹕
