一包煙輸身家

上次講到食口煙搞到車房爆炸，今次再想講講食煙本身的禍害。

食煙有兩壞，又貴又傷身。我有個夥計佢非常之孤寒，食又唔捨得食，著又唔捨得著，平日下午成日只係食30元茶餐就算數啦。我問佢點解咁慳，佢就話想儲錢將來娶老婆。

我本來覺得佢呢個目標好好，但係發覺佢有個壞習慣，會花佢好多錢，就係食煙。佢係一個煙鏟，每日要食成包煙，一包煙55元 ，成年落嚟條數好襟計。我計佢一年食365包煙，一年要兩萬蚊，十年落你唔見咗20萬，如果加埋利息的複式效果，十年唔見咗30萬。

香港吸煙與健康委員會驚煙民唔死，建議政府在下個財政年度增加煙草稅1倍，由現時的38元增至76元，若然成事每包煙零售價將約93元。咁一日食一包煙，一年要3.4萬，十年要俾34萬，計埋複利等如50萬。食煙十年要唔見50萬，呢條數真係非常之襟計，吸煙會輸身家。

另外食煙傷身，有醫生朋友同我講，食煙最常出現嘅問題係可能引致肺癌，但除此之外，仲有好嚴重嘅禍害，後生的時候未必睇得咁清楚。

佢話香煙的焦油會慢慢塞住肺眼，後生時唔覺，到年紀大嘅時候，吸煙的人肺功能就會衰退得比普通人快，好多食煙的60、70歲嘅公公婆婆，健康仲OK ，但個肺出咗問題，最後因為種種問題入醫院，個肺無咗功能，住院半年一年就咁去咗。

所以奉勸大家，及早戒煙，既慳錢又健康，何樂而不為呢。

黃毅力

** 博客文章文責自負,不代表本公司立場 **

慈雲山的大爆炸， 最新天眼顯示的証據，似乎是現場車房附近的一個維修員， 在車房門口點煙而導致到漏氣的石油氣的士產生大爆炸， 就是因為一支煙，奪去了三條人命，十幾人受傷與及成幢大廈的損毀，破壞力之大， 不能估計。

 

好多人對於吸煙都知道由第一口同食白粉一樣都知道對身體唔好, 也都知道是一個浪費的不良嗜好，更加清楚是anti - social不受歡迎的一個嗜好。 不時在街上看到垃圾桶側邊一群一群的煙民， 站在垃圾桶面前煲煙， 有男有女， 特別近年見到女士吸煙漸漸開始多過男士， 更令我想到， 點解要食煙？ 點解明知道食煙是不好的但都繼續食呢？ 總結有一句， 就是群眾的感染力， 朋友的影響力， 或是至親的家人或者伴侶的影響力，要明白這個原理， 就可以衍生很多不同的答案。

 

人類性格的改變，最重要可能未必是自己的意志，亦都不是每個人都有堅毅的意志來抗拒誘惑，或是去抵禦環境的薰陶， 如果沒有這樣的條件，就千萬不要將自己放在錯誤的地方， 受一些不良的習性或是朋友的影響， 否則可能真是禍害一生。 一口煙， 只是點一口煙， 就已經能奪去一班人的性命， 破壞了他們的財產，令到很多人家散人亡。

 

大家想一想，是否應該要停止吸煙， 並且從吸煙的狀態下去看看，了解自己會否不知不覺地溫水煮蛙，受了別人不良習慣的影響。