鄧家彪再訪「暴暴channel」管理員 解密暴徒秘密通訊與分工

早前工聯會新界東辦事處總幹事鄧家彪（Bill）喺佢YouTube節目「彪噏」中，通過電話訪問「暴暴Channel」管理員K君和P君，爲大家揭開咗用telegram去止暴制亂的藍營人士的神秘面紗。阿彪喺節目中再次訪問「暴暴Channel」管理員K君和P君，為大家解密暴徒喺暴力襲擊行動中嘅秘密通訊方式以及具體分工。

鄧家彪訪問「暴暴channel」管理員，大爆黑衣人秘密通訊與具體分工

首先阿彪在片中提出一個疑問，佢話很多人感覺黑衣人嘅通訊方式便捷，經常能做到一呼百應，「暴暴Channel」管理員K君解釋，黑衣人嘅通訊方式有「先進」同「原始」兩種，所謂「先進」就係網上地圖，地圖上能顯示有關警察的資訊，例如警力分佈、行動方向等，披露警察的部署，充當手足「天文台」，在警察圍捕暴徒時，「吹鷄」提佢哋「散水」。所謂「原始」就係通過打手勢同叫口令嘅方式，喺現場傳遞進攻或撤退嘅即時資訊。

K君仲話，黑衣人除咗通訊方式靈活便捷外，成員之間分工都好明確。例如有管理員充當「意見領袖」，控制telegram群組成員嘅討論，有文宣團隊負責做圖同撰寫文字，又有一班人負責前綫嘅暴力攻擊，還有哨兵負責扮街坊，喺現場為手足「提水」，發佈警察動向嘅資訊，而哨兵人數衆多，會根據每次行動嘅規模而調整人數。 P君更補充話，佢哋除咗用「人海戰術」「(目)及實」警察外，還會用高空拍攝方式全方位監控警察行動。

咁有部署同系統嘅行動，好難讓人相信背後無「大台」教路。阿彪認爲背後「大台」善於隱藏和包裝，又善於鼓動人心，對香港社會嘅破壞蓄謀已久，有深遠計劃。因此佢就擔心暴力行爲唔會咁快「退潮」，疫情好轉後會再次遍地開花。

K君認同破壞行動係唔會咁快「退潮」，但佢認爲由於疫情同之前好多示威者被捕，令佢哋實力嚴重受損，士氣受挫，成日「風聲鶴唳」，淪爲「驚弓之鳥」。成員之間互相猜忌，疑神疑鬼，總係驚對方係「鬼」，驚「敵人滲透」，俾人「分化瓦解」，「捉鬼」之聲不絕，但又驚「篤灰」造成内部分裂。因此telegram群組就不斷分解，由大group變細group。佢特別指出，細group雖然人數少做唔到一呼百應，所以大規模暴力行動變成零星暴力行動，但由大變細係「化整爲零」，小股破壞力量機動性強，撲滅難度更大，所以不排除喺「退潮」前策動瘋狂反攻行動。

K君和P君唔單「深入敵陣」，掌握暴徒行事動態，仲能夠預測同分析黑衣人襲擊行動，如此能力連阿彪都俾「手指公」，話佢哋應該好有成就感，但P君坦言失敗感大於成就感，原因係雖然佢哋盡咗力，但暴力卻仍然威脅住市民，而且不少反對派區議員竟然支持暴力，而且眼看telegram群組成員因參與暴力而失去正常社交圈子，令佢哋感到難過。

Ariel

** 博客文章文責自負,不代表本公司立場 **

早前的反修例事件，加上新冠肺炎疫情全球爆發下，對高度倚賴外圍經濟的香港，造成沉重打擊。財爺陳茂波今午在立法會上表示，第一季本地生產總值的預先估計數字將於下周公布，種種跡象顯示，本港經濟今年第一季大幅倒退的程度，相比2008年環球金融海嘯，又或者1999年亞洲金融風暴時更差，情況令人擔憂。

財爺下調港經濟增長預期最差至負7%

財爺在預算案中，本來預測香港今年經濟增長介乎負1.5%至正0.5%，從近期發展看，疫情對本港經濟的打擊，較早前估計更嚴重和持久，香港今年的經濟表現，無可避免會比預測為差，估計經濟收縮幅度，現時修訂為負4%至負7%。

另外，財爺又表示，2019/20財政年度的綜合赤字，較預算案時提出的修訂預算減少200億元，主要因為申請暫緩或分期繳交利得稅的人比預期少，令政府利得稅收入增加。下年度政府財政赤字會增至約2800億元或以上，但今年預算案不少措施，都屬特殊環境下的一次過措施，指財政儲備減至8000億至9000億元，仍相等於14至15個月的政府開支儲備；面對逆境時運用儲備，可緩解對社會的影響，認為符合市民對政府的期望。

政壇高人話，財爺上立法會解畫，大家關注點都派一萬元上，無乜有報佢對經濟前景的看法，由佢修訂的數字來睇，反映未來香港經濟環境會相當嚴峻，值得大家留意，未來要過緊日子啦