大聯盟發表「共同宣言」強調香港處於興衰抉擇的路口

由超過千五名各界人士發起的香港再出發大聯盟今日成立，大聯盟由董建華和梁振英「壓陣」 ，網羅絕大部分建制派人士，陣容可謂星光熠熠，並發表「共同宣言」。

政壇高人話睇咗 「共同宣言」，「團結」和 「出發」無疑係宣言嘅主調，但其中較突出的訊息係提出一個發人深省嘅問題：香港今天站在興衰的路口，每一個香港人都應該想一想，是選擇繼續對抗、內耗、沉淪，蹉跎歲月，還是選擇攜手同心、共度時艱，突破困局、走出困局？

高人認為，這是過往的同類的宣言較少有的，直接點出去年反修例風波引發暴力衝突同今年疫情導至嘅經濟民生困境，已經令香港走到命運興亡嘅十字路口，但係儘管喺呢個生死存亡關頭， 「攬炒」 之聲竟仍然不絕於耳，暴力破壞，撕裂社會的言論和行為仍然甚囂塵上。面對處在懸崖邊上嘅香港社會，港人應該選擇支持破壞、撕裂同「攬炒」，還是選擇團結、法治同重回正軌呢？宣言突出現時香港面對的問題的嚴重性，而所有港人都是持份者，可以話係一個理性的呼喚。

宣言呼籲，不同政見、不同信念與不同階層都應該「拋開區分求共對」，攜手同心，共度時艱，戰勝疫情嘅同時，都要平息亂局，推動香港再出發。

高人話，生與死，興同亡，好多時都在人嘅一念之間。香港呢艘豪華遊輪究竟係直頭撞上冰山，定係開闢新航道，重新出發。生死存亡之秋，留給港人的時間也已經不多，需要盡快作出選擇了。

觀看影片按﹕

Ariel

** 博客文章文責自負,不代表本公司立場 **

由全國政協副主席、前行政長官董建華、梁振英共同發起的「香港再出發大聯盟」今日正式成立。大聯盟由全國人大常委譚耀宗任秘書長，雲集本港政商界一千多人，以「堅持一國兩制，共建穩定繁榮香港」為宗旨。

大聯盟有1545個發起人，除了傳統建制派之外，亦有一些中性人士。香港的主要家族全部落齊，包括長實李嘉誠及兒子李澤鉅及李澤楷都有加入；恆基李兆基及兒子李家傑；新世界鄭家純及兒子鄭志剛；新鴻基郭炳聯及姪兒郭基煇。大劉劉鑾雄、細劉劉鑾鴻，大劉兒子劉鳴煒亦有參與。

霍英東家族多名成員都有份，包括霍震霆、霍震寰，第三代霍啟剛、霍啓山、霍啟智。

另外，演藝界亦有參與，包括汪明荃、曾志偉等。