今天針對「國歌法」在立法會恢復二讀,網上呼籲大家包圍立法會及「大三罷」,Ariel之前已經寫過,中午時分有人搞「和你lunch」變「和你拉」,先後有示威者在銅鑼灣希慎廣場、利園山道及中環畢打街以及旺角等一帶非法堵路,結果警察今日拉咗300人。
有朋友中午睇住新聞台「和你lunch」在中環畢打街附近的直播畫面,見到人數不算太多,但就被示威者的口號嚇親,成個中午聽到叫得最大聲的口號竟然係「X你老母」、「X你老母」、「X你老母」,X個不停。香港人的文化水平,在鏡頭前盡情表現,爭取訴求變粗鄙下流。
在橫飛的粗口聲中,仲出現好奇情的場面,當帶頭人叫:「五大訴求」後,人群竟然回應:「X你老母」,如是者,散散落落地出現:「香港人加油」回應「X你老母」;「香港獨立」回應又係「X你老母」。示威者好像在自己X自己。
其實以往這類「和你lunch」的集結,一般都有幾個帶頭人叫口號,這些可能是有組織的發動者,他們大叫後,就激起群眾的和應。
但睇今日的情況,警察比較有部署,重點釘住率先叫口喊的帶頭人,一見到有人帶頭叫口號,大叫兩次,就行埋去警告。好似今日在中環就有一男子,帶頭叫了兩次口號,警察就行埋去話:「你,不要煽動群眾的情緒!」結果男子行開咗,後來被警察帶走。估計他被多次警告下,仲不斷遊走不同地方帶頭叫口號,結果就被拘捕。
以往示威者有一套叫口號的方式,先有一人做帶頭人咁樣,先大聲叫一句:香港人,所有參與者就會同聲和應:加油!如是者,就出現不同和應或口號,例如:光復香港 ——時代革命;五大訴求——缺一不可;香港人——加油等等,最近仲出現咗一啲新的口號,例如:香港獨立——唯一出路;黑警——死全家等等。
好明顯地,警察今日積極盯住帶頭叫口號的人,結果帶頭人無以往咁勇,叫口號的聲浪愈來愈細,變成大部分參與者都聽唔到帶頭人叫的第一句是什麼,變成大多數時間,參與者都有理無理大叫「X你老母」來和應,變成咁奇情詭異的場面,「X你老母」之聲此起彼落。
高人聽完後,好感慨咁話,如今真係諷刺,香港呢場「革命」變成「X你老母」革命,不過,睇真一啲,亦同警方加強部署,打殘在群眾中發起叫口號的人有關。警方過往都一直懷疑有人有組織地散落各區,在「和你lunch」或者商場的集結場合,首先帶頭叫口號,激發群眾的情緒去示威,所以今日警方的行動係有針對性。
Ariel
** 博客文章文責自負,不代表本公司立場 **