社會事
早前我寫文講過，依家啲細路仔好似太陽一樣，其他人都係繞着佢地轉，搞到佢地非常之自我中心，只諗自己，冇諗過既他人。
文章出街之後，馬上有兩個老友打電話俾我，講起佢地嘅親身經歷，聽到都嚇一跳。
老友A話，佢個女係加拿大讀書，本科讀完環境工程，跟住同佢講話要讀碩士，但係唔再讀環境工程，改為讀歷史，佢見個女咁好學，當然支持，點知個女讀完兩年之後，攞埋個碩士，朋友問佢搵到咩嘢做，阿女話想再讀多個碩士，今次係讀音樂，朋友開始明白發生乜嘢事，飛過去加拿大多倫多，希望說服個女唔好再去讀書，但係結果講唔掂數，如今仍在膠着狀態。
另一個朋友B，佢個仔英國倫敦讀經濟，畢業之後，阿爸本來希望佢正正驚驚搵份工做，點知畢業左一年，仲未搵到工做，而家仲要屋企接濟。阿爸問佢搵工搵成點，佢每次都話搵緊，叫阿爸阿媽唔好煩佢。朋友都唔知點算，佢好怕個仔一直唔做嘢，仲要晚晚蒲吧，係咁hea落去。
見到兩個朋友都有呢種經歷，我相信細路仔唔想打工，慢慢會變成普遍現象。大朋友唔知阿爸阿媽搵食艱難，只係唔想做嘢。任由這個風氣蔓延落去，社會不事生產，真係唔知點算。
黃毅力
** 博客文章文責自負,不代表本公司立場 **
今星期將飛往美國， 參加兒子大學畢業典禮， 時間不留人， 時間留下的只有絲絲記憶。 回望從前， 六年前孩子只有十六歲， 在冰天雪地下，單人匹馬挽著兩個大喼， 去美國東岸搵學校。 我們做家長的，不用安排， 他自己就自由發揮地計劃旅程，計算來往的交通行程及準備面試。
時間不留情也不留人， 留下的只有絲絲的回憶， 轉眼間他已經長大成人畢業了， 身為人父對家庭最大的責任，就是能夠讓他們在一個健康、幸福、快樂的環境中成長， 與及順應他們的能力，為他們的學業做最好的支援，而不是為他們事事安排，這樣他們才能發展自己的獨立性、自主性以及潛能。
太太與我的育兒經驗是一致的， 我們的子女做什麼工其實都不重要， 最重要的就是他們有正確的態度，堅持下去， 他日必然可以成才、 成大器； 而最重要的， 就是保存家庭應有的價值觀，對自己、對家人及社會的責任及承諾。
希望父母們多想一想，子女的未來是無得強求的，我們能夠改變的就是自己如何去面對， 如何去給他們最好的條件而不是最大既幫忙， 讓他們用自己雙手、用自己雙腳行出未來， 打出自己的真天下。
孩子們畢業後，對我人生來說，也是一個新的里程碑。年紀已接近五旬了， 從前叫做「老翁」，現在可能叫做「中坑」， 我的人生階段中，擔負家庭的責任已經漸漸完結， 餘下來的， 就是如何保持身體健康，做點有意義的工作， 盼望有一天可以看見他們成家立室， 兒孫滿堂。
「家」的歷史是不斷地重演的，我們不可以改變從前， 但是我們可以改變未來， 唯一的方法就是做好準備，現實有無限的制限，有無限的約束，但是只要我們微調一下自己的想法， 方向自然會改變， 結果也因此而改變， 令生命更加美滿。
