梁美芬上一次在社交平台出po講自家製防炎抗疫飲品，大讚又平又正。今日再接再厲再發貼文，講到專誠去旺角花墟向花店老闆請教如何挑選薄荷葉及百里香，教人享受種植樂趣之餘又可以自製防炎抗疫飲品。
花店店主教梁美芬挑選薄荷葉及百里香調製防炎抗疫飲品
花店賴老闆話，薄荷葉及百里香是一種會散發清香的草本植物，在屋內或窗台種植，會讓整個客廳散發出令人精神爽利的香味。賴老闆仲話，薄荷葉及百里香除了種植，仲可以用水煲，在沸騰過程中，會讓家居飄香；仲可以用作烹調食物，可刺激味蕾，增強食慾，對防炎和抗疫都特別有效。
梁美芬希望疫情消散
梁美芬話，香港近來好多悶氣，可是一進入花墟就感到心曠神怡，再聞下草本植物的香味，整個人都精神起來。梁美芬希望在疫情和紛爭雙重夾擊下，市民能多一些來花墟，同時佢都希望經濟早日復甦，大家可以多點享受來花墟買花、購物的時光。
近日本港疫情似乎有反彈跡象，防炎抗疫絕對不能鬆懈，學梁美芬話齋，去花墟選購薄荷葉及百里香調製防炎抗疫飲品同時，都寄望香港早日春暖花開，疫情消散，社會和諧。
Sebastian
** 博客文章文責自負,不代表本公司立場 **
港鐵董事局宣布，委任楊美珍做新任行政總裁，任期三年，2026 年 1 月 1 號正式上崗！楊美珍女士仲會成為港鐵自 1975 年成立以嚟首位女性行政總裁。
楊美珍(英文名Jeny)可以說同港鐵一起經歷快速成長期，佢喺 1999 年加入公司，第一份崗位係做總經理，專責市務及車站商務，2011年晉升至商務總監，開啟了港鐵車站商務圈翻天覆地的變化，佢帶領團隊大力拓展車站商務同廣告業務，好似翻新車站擴大商業面積，引入唔同類型嘅品牌，2002 年金鐘站率先開業嘅星巴克咖啡店，就係佢推動嘅成果之一，後續仲有快餐、涼茶、甜品舖等一眾品牌陸續進駐。到 2024 年，港鐵車站商店數量由 2000 年嘅少於 400 間，一路飆升到 1579 間。
楊美珍1999年加入港鐵服務。
Jeny亦推動車站廣告數碼轉型，從傳統海報形式，逐步發展到融合互動元素嘅數碼廣告，大大提升廣告投放率。而家港鐵網絡有超過 42,000 個廣告點，成為全港最大規模又多元化嘅戶外數碼媒體平台。車站商店租賃同廣告收入，亦都由 2000 年嘅逾 9 億港元，增長到過去十年平均每年約 50 億港元，呢啲亮眼成績，都離唔開Jeny帶領團隊嘅努力。
楊美珍(左一)致力推動車站商用設施拓展及變革。
2021 年，楊美珍女士出任香港客運服務總監，到 2023 年再晉升為常務總監 – 香港客運服務。呢段期間，佢帶住團隊專心提升乘客體驗，積極推動鐵路服務數碼化。好似引入多種電子支付方式，以後搭港鐵唔使再怕無散紙；仲推出 MTR mobile 手機應用程式，而且不斷優化功能，查車次、睇時刻表，手指篤篤就得，方便好多。
楊美珍把握科技變改，推動鐵路服務數碼化。
除咗商務同客運服務，楊美珍女士喺跨境服務領域亦有唔少經驗。2018 年高鐵開通，佢主責票務、顧客服務同車站商務規劃，仲引入免稅商店，畀乘客搭高鐵都可以掃貨！疫情過後高鐵復通，站點由初期 61 個增加到依家超過 90 個，推出夕發朝至動臥列車、「靈活行」票務安排等新服務，大大方便咗兩地乘客跨境出行。另外，佢仲推動翻新羅湖站、擴闊落馬洲站出入口，仲推出「八達通 - 全國通卡」，連通內地超過 330 個城市嘅公共交通，往返兩地嘅乘客相信都覺得方便好多。
楊美珍重視顧客體驗便利出行，親自去前線做乘客調查。
喺加入港鐵之前，Jeny喺渣打銀行（香港）有限公司同埋花旗銀行累積咗豐富嘅市務同業務發展經驗，呢啲經歷都為佢喺港鐵嘅工作打下堅實基礎。服務港鐵期間，佢仲兼任八達通控股有限公司及其兩間成員公司嘅非執行主席，之前亦擔任過昂坪 360 有限公司主席，可以說非常熟悉港鐵不同範疇的業務和服務。
楊美珍(中)在不同崗位上，為港鐵積極推動關愛社會和環保等範疇作出努力。
港鐵未來發展當然面對不少挑戰，睇番Jeny過往的工作中，很注重創新，不同範疇開拓了港鐵唔少新猷，相信呢個亦係香港最需要的元素----創新前行。
楊美珍與現任CEO金澤培(右)
