CY「遇襲」是流料

正喺美加外訪特首CY，突然傳來喺多倫多「遇襲」的消息，當地華文報章報導，CY喺多倫多出席「邁啟亞洲 首選香港」峰會揭幕禮，有團體喺場外示威。之後CY就喺市中心私人地方「遇襲」，連原定之後出席的北美金茶王大賽都「甩底」。

了解情況人士話，CY並無「遇襲」，但有人撐黃傘示威。CY今次外訪加拿大各界反應唔錯，出席峰會人數破晒紀錄。喺多倫多的行程，本來就無金茶王大賽呢一項，根本唔係「甩底」，只係有傳媒收錯風啫。示威係有，不過冇搞到活動取消。

CY喺當地都有見記者，之後就出席演講同食飯，完全無記者問起「遇襲」同「甩底」，如果真有其事，記者咁神通廣大，點會無人當面問CY呀！

Ariel

** 博客文章文責自負,不代表本公司立場 **

特首CY去了加拿大多倫多訪問，署理特首林鄭話政改方案通過機會渺茫。CY在彼邦講明，若政改方案被否決，政府沒有「Plan B」，不需要再做政改工作，會改為專注於經濟民生咁話。

加拿大朋友都問到坊間的敏感話題，即是支持政改、踼走CY的說法 。CY回應話，假如2017年有普選，到時提委會的組成，最後有哪兩三位候選人，包括他本人是否參選意圖，都是未知之數，所以有關說法是言之尚早。

CY只答咗「有普選」的問題，無講「無普選」的情況， 佢話有普選唔知佢本人會唔會選，無講無普選係唔係實去馬。

政壇八卦友話，若有普選，林鄭好熱，若無普選，CY食梗。下星期政改方案都投票啦，如今林鄭還盡最後努力滴汗拉票， CY就照樣輕鬆外訪，都好有坐定粒六等連任之勢。 現實係想CY連任者，支持可能踢走CY的政改方案，不想CY連任的泛民，堅持否決會踢CY走的方案，呢個局都有少少諷刺。