報販不滿阿信屋平賣壹仔

今日友人行經旺角的報攤，發現貼咗張通告，寫住「停售壹周刊」 的字句，問吓報販有乜咁大件事要搞罷賣壹仔，原來和759阿信屋 低價賣壹仔有關。

 

後來搵到一封由全港報販大聯盟「致市民的信」，信中講到定價為$ 20的壹周刊，近來在759阿信屋以低至$12.3出售， 變相令報販流失客人、收入減少。聯會對感到十分憤怒， 認為大集團以本傷人，打壓生存空間已十分狹窄的報販， 對報販的傷害奇大。為表抗議，聯會即時開始罷賣壹周刊。

事緣近日阿信屋買壹仔雜誌真係賣到好平， 阿信屋會員加其他優惠後，可以低到六折$12.3就買到本雜誌， 比正價20元本都真係平幾好，報販感不滿都可以理解。

《蘋果日報》網站引述壹仔總編輯李志豪話，並冇同759阿信屋進 行聯合促銷，阿信屋攞咗今期幾百本雜誌出售， 批發價係略高過俾報販的價，有剩不回書， 佢又話重視報販聯盟的不滿，如果報販罷賣，對銷量影響好大， 佢哋會同阿信屋商量，但售價決定權在阿信屋。

Ariel

** 博客文章文責自負,不代表本公司立場 **

政改大戰下周上演，在各方吹淡風之際， 今日突然有報導引述消息話，有人出錢3億買一票， 換取泛民投票支持政改方案。

段報導係咁講：「據可靠消息稱，北京眼見政改民意爭持，難以令泛民立法會議員轉軚後，近日改派中間人借投注外圍名目，向目標議員提供金錢利益，試圖誘使他們在政改表決時投贊成票，有傳每位議員開價更高達3億港元。人民力量立法會議員陳偉業向本報證實，有立會議員曾透露，中間人開價1億港元換泛民一票，「我唔知認真定講笑，不過嗰個議員就話利誘係認真嘅」。」

權威人士話，這些「消息」根本就係作新聞，一啲證據都無，就當真嚟寫，內容亦完全唔可信，唔好話3億，3萬都唔會有， 最基本的理由就係犯法的事，中央唔會做。

權威人士話，推動政改落實普選既係法律問題，亦係政治問題， 中央從來都以嚴肅的態度對待，唔會咁兒戲。

權威人士又估計，放出呢類消息有明顯目的， 首次先是以假消息影響民意，使市民覺得中央好汚糟用錢買票，令更多市民在民調中反對政改方案。其次是幫泛民箍票，令部份有動搖的泛民議員唔敢轉軚， 因為一旦轉軚好自然被人質疑係咪收咗3億啦。