自稱公民黨黨員，化名「古仔」寫到第九篇，佢話係最後一篇。
公民黨，究竟做緊乜？ （九）
終於到咗立法會投票嘅時刻，我諗，‘公民黨，究竟做緊乜？’都應該係咁先啦。 一切都成咗定局，就算未投票，你地睇埋我呢篇，亦都係最後一篇，就應該知道點解我都收手啦。今日我唔講，聽日講已經無意思。
因為，Audrey 已經落晒order，一旦政改方案真係通過，肯定有泛民友轉軚，就一定要‘討伐’轉軚議員，就算係公民黨嘅都無情講（其實討伐多兩嘢就真，因為認為影衰我地黨），未來選舉要大舉進攻，誓要搶走‘叛徒 ’嘅席位。
以下係我聽到嘅立法會內‘行動計畫’：
如果方案通過，我地同泛民就會佔領立法會，長毛帶領學聯同黃之鋒佢地沖入會場，張超雄就班晒工黨啲人一齊沖，范國威就帶領所有‘本土幫’，毓民就帶領‘熱血公民’，黃洋達就咁係唔少得。
毓民仲要命令黃洋達買定大批雞蛋，麵包，樽裝水，帶到立法會門口，唔係攞黎食， 而係(目)及住班議員，邊個轉軚，行出來就掟佢雞蛋，香蕉同麵包。
‘本土民主前線’、‘勇武前線’就準備好大量黃傘，背包度收埋伸縮拐杖，必要時候當武器用。同時‘本土民主前線’已經喺‘人力’個帳幕入便，儲存咗大量硫酸，油漆，玻璃樽等等，點用唔使我講啦。
‘香港復興會’都有份參與，到時候幫手衝擊立法會，社民連吳文遠負責統籌資金同物資，包括買定眼罩，做定盾牌，壘球棍，儲藏地點係深水埗同屯門。
立法會會場外面呢，傑哥同泛民啲負責人 + 民陣 + 學聯 + 學民思潮，12日開會，羅冠聰同黃之鋒話，如果集會超過5000人，‘全民拒絕假普選’就可以同‘本土幫’一起，整一場‘香港太陽花運動’，包圍立法會，要求重啟政改五部曲。 不過梁家傑就唔係好同意再搞‘二次佔中’，佢都有啲驚，到時候本土幫介入，分分鐘反客為主亂搞，泛民要孭晒後果，以免再次引起警民對峙，一定再次吃虧。佢唔講出聲嗰句係：你班學生根本無能力同號召力搞二次佔中，到時候又係泛民同你埋單，咪搞。
佢地仲對立法會週邊作部署：如果方案過唔到，外面包圍行動唔會解散，即刻變成勝利集會，口號都已經定埋：叫做‘反對假普選，爭取真普選’。然後繼續唔走，‘靜坐發酵’玩到盡，如果方案居然通過，學聯同黃之鋒等，就會帶領一班人，走去中聯辦玩衝擊，實行包圍行動，另一路就靠立法會外面集會人等，揾機會沖入立法會搗亂。
政改搞成咁，我真係無眼睇，好大機會變成公民黨 + 社民連 + 人民力量 + 本土幫 + 激進分子結成聯盟，如果真系咁，我唯有聽各位勸告，離開公民黨啦。
可以寫既寫到呢度，明日香港已經係另一個世界…俾我靜一靜，係咁先。
http://www.discuss.com.hk/viewthread.php?tid=24697907&page=42#pid419527853
Mark Felt
** 博客文章文責自負,不代表本公司立場 **
自稱公民黨黨員，化名「古仔」寫到第八篇。
公民黨，究竟做緊乜？（八）
好快又有新篇，要咁快手，一則係時近立法會投票，好多嘢變得好敏感，其中有啲「居然」同我地黨扯上關係，真係要講下；二則係「白色恐怖」變本加厲，一日緊過一日。
先講「白色恐怖」。Audrey同傑哥已經採取咗幾條「安全」措施：
第1.聘請咗專業電訊人士，對黨部內外進行徹底安全檢查，設法要查出洩漏消息嘅源頭同缺口；
第2.揾咗我地九龍西支部嘅陳淦濱，負責內部網絡安全設置嘅加強，提高級數；
第3.重申執委各人唔好喺網路同電話上討論「黨內機密」（我其實唔知道邊啲算係黨內機密），只可以當面傾談。仲有 -
第4，好得意，Audrey同傑哥「虛心接受」《究竟做緊乜》講起俾人話「專橫霸道」嘅批評，特別互相提醒自己要改變下對黨友嘅態度，溫和啲，「親民」啲，多啲同人拍下膊頭，有啲笑容；就算係湯渣，雖然無必要拉攏，但亦都唔好打擊。怕且認為少啲俾人鬧，就會少啲洩密咁。
唔知係唔係睇得懸疑小說多，忽然覺得自己有點兒好似啲連環殺手，殺咗人之後好鍾意返番現場，睇下啲警察點樣騰來騰去一頭煙。起碼覺得點解一味搞網絡電話安全。我都講過，所有喺呢度講嘅嘢，都唔關電話網絡事嘅。
講番好多事情變得好敏感。昨天晚飯，周圍好多人以及電視新聞，都講緊警察喺西貢拉咗9男女，仲搜出好多炸藥同武器，仲現場要引爆添。我身邊人（對唔住，唔講得係男定女）細細聲同我講：「唔係你地黨丫嗎 ？」我笑住講：人地都話明係本土派，關我地咩事？ 身邊人話：你地啲banner 夠話「捍衛本土」囉。嗱，咪掂呢啲嘢，死得人兼坐監架，癲咗咩！我話：點會？我地啲大狀，點會搞… 講講下我都停咗口，唔記得夾餸扒飯…
因為忽然想起另一條新聞：話金鐘添美道有公民黨同人民力量，在倉庫積聚大量「架生」，仲派人24小時輪流看更。近日警察喺立法會門口「清理雜物」都無去到嗰度。上次佔中時候，我地黨曾健超俾六條差佬拳打腳踢，都係因為淋人地屎尿引起嘅…
諗諗下，心頭一震，莫非我地黨真係都要走暴力路線？傑哥同Audrey佢地連政改方案都唔使同我地傾，參加什麼行動更加唔會知會我地啦！記得黃毓民喺立法會媽叉林鄭嘅時候，就講過話要掟佢汽油彈，睇黎都唔係得個講字。我從來唔贊成我地黨同佢行得咁埋，我喺前面都講過，當年搞「五區公投」，Audrey走去同社民連一齊，簡直係「美女與野獸」，唔通今回要一齊掟汽油彈？
仲有第二件敏感事，就係關於民調嘅。傑哥同Audrey睇泛民捆綁睇得好緊，上星期就講定，飯盒會要求各人，輪住發言，總之要挨到18號；此外，在執委會上提出要order鍾庭耀佢地整出個「靚啲嘅」滾動民調數據，俾大家可以借勢。 我個人唔反對做呢啲手腳，數據就係用來玩架嗎！所以上星期三間大學滾動民調出咗個「反對多過支持」嘅黃金交叉後，我好明白係乜嘢事，但亦都好唔明白嘅係，點解只有一日咁多，一路都係「反對多過支持」，一路拖到今日咪仲好？
講真雖然我心中唔明，點解唔可以支持「袋住先」，不過事到如今，馬死落地行，有得我地揀咩，身為公民黨人都要面，唔想衰架。有啲網友話我點解唔走人，我又自問走去邊，民主黨？社民連？人民力量？唔啱民建聯呀？好似等巴士等咗半個鐘頭都等唔到，你係走去打的，抑或繼續等？可能你地會好瀟灑走一回，我就始終唔係好憤氣：咁就行開，我個人咪好失敗？
http://m.discuss.com.hk/index.php?action=thread&tid=24697907&extra=page%253D3&page=40
