「831事件」剛屆一周年，示威者一直指當天警察「打死人」，繪聲繪影，但一直講不出死者身份，真係自己拜乜嘢都唔知？
不過，3日前，佢哋終於知道自己拜過啲乜嘢，一名網上傳聞遇害後變成浮屍，叫「韓寶生」的男子，突然通過社交媒體面書現身，宣告「翻生」！
去年831當晚在港鐵太子站內，當時速龍小隊拘捕暴力示威者，當中一名男子在月台被制服後，有人拍攝其容貌及問他「叫咩名」，他高聲說出姓名後，對方聽錯為「韓寶生」其「遺照」經網絡流傳後，「韓寶生」被殺傳聞不絕，更盛傳已變成浮屍！
「死者」韓寶生現身。
這位「死者」真正身份終於揭盅，他突然在網上現身，澄清仍然健在，現時身處英國，真實姓名是王茂俊，去年831在太子站月台被警員制服，雖然一度逃脫，但不久再在月台被擒，隨後與其他疑犯被押到葵涌警署，再被轉送新屋嶺扣留中心，後來被控參與暴動等8項控罪，因擔心審訊，而決定逃亡英國，並與家人和朋友斷絕聯絡。王茂俊被控的8宗罪，包括兩項參與暴動、3項襲擊致造成身體傷害，以及刑事毀壞、參與非法集結和搶劫，原定於7月17日受審，但在上庭前逃往英國尋求政治庇護。
世上原來沒有已死的浮屍「韓寶生」，只有真正着草在英國的「王茂俊」。王茂俊澄清謠言後，卻被同路人大罵：
「是狗， 去了英國就不要再出來啦！」
「一定是假扮韓寶生的警方臥底。」
「劇本寫明要你死，你宜家做乜嘢翻生？」
王茂俊接受傳媒訪問時表示：「我知道大家心目中嘅劇本係想有人死，可以用嚟攻擊警方。」 但他強調，被捕當日沒看見有人被打死，只見多人受傷。
原來王茂俊被捕後，面對8條控罪，腦袋一片空白，唔知點處理，於是搵612基金幫手，誰知基金的人回答他說：「被人告暴動都可以照生活㗎，都可以照返工㗎，我有同你律師溝通㗎。」「未見過你呢類示威者，我哋見嘅通常都係刑期兩三年個類。」然後就「耍走佢」！
王茂俊表示，親身感受到612基金的涼薄。「被捕嘅人唔係一個數字，係一個人嘅人生。去衝又係我哋，俾人拉又係我哋，文宣又搵我哋做題材，但真係想搵幫助嘅時候，自己變咗被遺棄嘅condom！」
王茂俊又透露，自己已經變成「金融難民」，在英國開戶時，因為網上銀行搵唔到其信貸報告，冇辦法開戶。而另一間開咗戶口，戶口內的3000英鎊就被凍結咗。
王茂俊表示，在台灣讀完電影後，在2016年返香港，發展得幾好，點知被控8條罪後，變咗流亡者。之後有人會騎劫佢，利用佢籌錢，其實就係食咗筆錢。
前新聞統籌專員馮煒光形容王茂俊呢個個案，係典型「一子錯，滿盤皆落索」，如果這個「悲歌」還不能叫醒一眾仍然狂熱的黑暴年青人，只能感嘆：「你永遠也叫不醒裝睡的人。」
馮煒光又補充說，既然王茂俊在英國成為「金融難民」，眾籌被騙，連開戶口都有困難。為何羅冠聰仍然可以在英國，風騷地眾籌及發言，羅是否有境外有勢力人士幫忙呢？
這個世界，真是同人唔同命了。
小鯊
** 博客文章文責自負,不代表本公司立場 **
