作者：千里
我們學八字，除了可用自己親友發生的事件作為例子參考外，還可用電視明星或上市公司主席的出生年月日來作一下回顧及預測。
今次想和大家分享一位藝人李佳芯小姐的八字。根據維基百科顯示，她的出生日期為1982年11月27日吉時。學八字比紫微斗數方便的地方，在於部分人物的八字憑年月日已大概知道當事人的五行基本喜忌，因此即使沒有當時人出生的準確時間，亦可作出推測。
壬戌 辛亥 甲寅 吉時
甲木生於亥月，天干透壬為偏印格，而且日支坐祿，喜火（食傷）調候亦喜燥土（財才）止水。金（官殺）生水，亦不宜。
初運庚戌己酉財官大運，吉凶交集，出身基層，而女命行官殺運可代表受異性歡迎。
己酉大運，2005乙酉流年入行擔任模特兒，為旅遊雜誌《新假期》拍攝封面及參演多個電視廣告。2008至2012年在有線電視擔任節目主持，查流年2008年及2009年戊子、己丑年為用神財才年外，其餘的都是金木(官殺比劫)的流年，運勢略為反覆。
2012壬辰年簽約無線電視，大運戊申，戊土財運出干，流年2013至2015年為地支行喜用神火(食傷)的流年，2016至2017年亦是天干行火(食傷)的流年。食傷主才華顯露，亦主聲名鵲起。原局寅戌拱午，流年透食傷主事業急速發展。這兩年榮獲「飛躍進步女藝員」獎及「我最愛TVB女主角」等多個獎項。
其中，2017年丁酉年，天干透火(食傷)用神，事業發展雖然向好，但地支與大運原局合申酉戌會金局沖尅日支寅，而且金局生亥水忌神，令亥水寒氣大增，五行中的水亦主婦科疾病。因此李佳芯於10月秘密入院切除長在卵巢附近達10cm大的囊腫。
2018年戊戌年為六十甲子中最重土的年份，亦為喜用神，憑著《BB來了》一劇，獲得「最佳女主角」大獎。李小姐在短短兩年間，由「飛躍進步女藝員」到成為視后，一度成為佳話。
2019年己亥年，天干雖有用神土，但地支行亥水增寒，亥水為印為忌主名譽受損。是年內地網民對其網上貼文內容不滿，其內地人氣繼而急轉直下。亦傳聞她因而被公司雪藏，她所演出的電視劇亦被換角。2020年庚子年、2021年金土年份亦是金寒水冷的忌神年，宜韜光養晦，注意健康。
李佳芯小姐甲木坐祿、透印而身旺，為人樂觀堅毅，亦得貴人扶持。展望丁未大運後期及丙午、乙巳二十年大運行火土(食傷財才)用神，繼續在娛樂圈中發光發亮。
香港兔蘆術數學會
** 博客文章文責自負,不代表本公司立場 **
金多寶說故事
第十回
《話說密法不外傳 世人貪婪迷信邪》上集
「師傅，我果度有鬼呀！」
師傅笑騎騎咁讀啲短訊出黎，成車人好衰咁問：「今次又邊個呀？」中環Y記老闆苦苦哀求師傅，一定要去佢果度睇下，佢兩公婆真係驚到飯都食唔落！Y記坐落中環幾十年，真係幾出名，睇佢每日嘅客量，話佢兩公婆冇錢都冇人信。
「喂！Y記！你鋪頭有鬼定你屋企有鬼呀？」師傅費事嘥時間，直接打去問。
Y記話佢都唔知，但生意都仲係好好。
我金多寶無知衝出黎柒：「五鬼運財咁正？」「有鬼就唔會生意好啦！」師傅話，咁多年除左上去食免費餐，都乜聽過佢話有咩唔妥。說時遲，那時快，師傅撻番着架車，去一個重要嘅地方。
去到九記茶餐廳，大家一坐低就叫野食，頭先幫手做完大壇法事，個個餓到冇命。
師傅打比Y記：「我晏啲過你屋企。」師傅真係型到爆，咁快就肯定係Y記屋企出事；照舊又係佢埋單黎多謝我地班義工，我真心敬佩師傅嘅風範。
第二朝，師傅等齊人車我地番法壇。尋日單野，師傅照舊輕描淡寫：「有人送左對法器比Y記，話招財喎，佢放左响屋企玻璃櫃，咁就出事。」
冇諗過Y記做左咁多年生意，都咁戇尻，令人發達嘅野會送比其他人架咩？「咪就係囉！」玲姐讀書唔多，只係common sense佢強項。
「師傅，係咩法器黎架？」「啊，係好似一對砂槌咁嘅野，類似西藏密宗果啲。」果下我個心一驚，諗起幾年前，無啦啦屋企黎左個密宗師傅，仲好心借左個床位比佢，自此不停撞鬼，貧病交迫，以後嘅金多寶說故事系列會交待。
「邊個咁衰送比Y記？」師傅笑到差啲噴左出黎：「係佢識左卅幾年嘅老朋友。」
係喎，咁果對砂槌點處理？「冇架，送左比人就得架啦。」咁仆街嘅事，真係要好賤格先做得出。「點解唔整爛佢？」師傅話整爛佢冇用，啲鬼都仲會跟住物主。「頂！咁一定有辦法甩左佢架？」唔係冇，要請走，不過密宗啲法比較複雜，有時唔係話普通整幾道符就整得走，最直接嘅方法，真係送走佢地，最好比得番密宗啲壇。
「佢地整啲鬼落啲野度，又運唔到財，把鬼咩？」師傅大叫：「到啦！落車！」咁就唔記得答我。不過每個人做野，總會有原因，離唔開利益。
幫師傅準備法壇，我又遊魂，諗番起呢十年八年，有關密宗法壇嘅怪事。
據我所知，密宗叫得個「密」字，梗係好秘密，唔應該周街都知。
我屋企有人好信密宗嘅師傅，係冇問題架！好似我另一班好朋友，係非常虔誠嘅耶西耶撚，仲好好人、成日幫助別人添！不過，樹大有枯枝，萬物之靈嘅洞察力，有時緊要過你有冇錢。
好似我眼前嘅師傅咁，佢嘅英氣，係相處過就感受到；相反，一啲企到高高在上嘅乜師物師，同你地班「凡人」講多兩句都憤怒又黑面、話「坐得高過佢下世要做爬蟲類動物」喎，會唔會塲戲做得大左？我一直心中存疑。無奈家人深信不疑，我又因家人而接近該密宗師傅，只可以嘆一句，時也運也。
下世會變乜，我金多寶唔識答。肯定做人要光明磊落，即使下半世發生咩事，都心中無懼。
當年家人帶我番大陸一個好隱閉嘅地方，聚集左好多人，然後有一班着住民族服嘅人走左出黎，大聲講「坐得高過呀乜乜乜嘅人，下世要做爬蟲類！」
啲人嚇到坐低，我梗係跟大隊坐下啦，企响度駁搞事咩。
果下覺得幾搞笑，原來講句咁嘅野，會咁多人信！我又學左野。下世變做乜，係因果決定，唔係靠人地把口決定！如果佢講嘅野係真，隔離棟大廈啲人十幾樓果批，連塊階磚都坐得高過佢啦，唔通又變爬蟲類？救命！
唔怪得到左香港今時今日，仲有咁多人中埋啲奇怪騙案。講左咁多，最後咪又叫啲人攞啲錢放入個袋度！呢個情節係抄教會嘅，不過教會就隨心，果度就話「捐得多，福報越大」。又貪福報啦，啲人。
咦？啲錢係捐比邊個架？？
我相信密法一定有，只係邊會咁易比我地接觸到吖，比舊錢就有果啲，相信只係密法界嘅A貨。
又唔排除，本身一啲有高法力嘅師傅，受唔住引誘而墮落。好似某一位佛門高僧，曾經以法濟民，德高望重。卻因為風水功力深厚，為富商服務，賺盡名譽地位，仲對戶口一筆巨款，戀戀不捨。
人生最後幾年得果報而病重，該位法師仍堅持入住高級醫院，那知天界看盡一切，派顯神明下凡降之。
法師生怕失去所有，以法力顯派使者保護使其隱藏不被神明察覺，最後兩神斗法，當然法師戰敗，因為法力本身都來自天界神明。
佛法高僧明知一切會發生，早早察覺體內舍利子遞減，卻為名利以卵擊石，愚笨乎？為執着一啲好想要嘅野，真係會令人變笨。唔明嘅，上google，睇下細So婚外情單野了解道理。
呢個故仔，其實預言左所有具貪念嘅人。
-未完待續-
