拉布易，剪布難？

CY嘅「五司十四局」未見官先打八十，一二年俾泛民用拉布玩殘，令創新及科技局胎死腹中。施政報告宣布捲土重來，復活科技局。

巴士的團隊在酒會，見到民建聯主席譚耀宗同高靜芝密酙。講起CY的施政報告，譚Sir話報告在民生經濟等方面，都好有承擔感，尤其係以前講過好多次的低收入在職家庭津貼及興建中醫院等，都有提出，期望可以具體落實。

講完前菜，話鋒一轉，講到驚唔驚拉布，大家就話要睇下立法會主席曾鈺成會唔會「剪布」啦。譚Sir就代曾主席發言，話主席「剪布」不易！原因係「長毛」將「剪布」是否符合議事規則提出司法覆核，而終院亦受理了，聆訊預計會在4至6個月後進行。主席依家要「剪布」？難也！

同場出席的亦有一位政府問責班子成員，都話今次有改組，雖然有民意支持，但依然好擔心會出現變數，因為呢啲剪布隨時剪出個亂局。

之但係有心戰室人士就唔係太擔心，預咗有議員拉足一年半載，估計拉吓拉吓，議員筋疲力盡，話唔埋到時民意會支持曾主席剪布。

睇嚟又唔似完全冇機會過到喎。

Ariel

** 博客文章文責自負,不代表本公司立場 **

邵六叔仙遊，追思會上政商雲集，雖然話家人想貫徹他低調風格，但以六叔的江湖地位，政商巨賈、娛樂名人紛紛去到將軍澳邵氏影城向六叔作最後致敬。會場布置以簡潔為主，但無記上下一啲無掉以輕心，幾乎全台上下齊齊出動，平日好難見到的明星藝人，站在會場中央迎接前來追思的各界人士。

 

在追思會舉行期間一眾藝人站在會場中央位置

 

唔單止，藝人盡出，新聞小花小生都動員，現場就見到主播劉晉安、主任級的陳玉儀等，當然唔少得新聞部主管、人稱「花哥」的袁志偉，睇怕都係至高層的接待人員之一囉。

 

無綫新聞主管袁志偉(左)在提點工作人員

不少無綫高層都戴上接待人員的證件

無綫新聞部主播劉晉安

睇吓劉晉安攞住一叠印有人頭像的文件，原來無記內部有分工，易小姐率領的一組人主要接待娛圈名人，新聞部就幫忙認政商名人，要知道出席追思會的多政商猛人，認錯人就唔好啦！聽聞新聞部經理明姐，普通話新聞負責人彪叔都齊齊出動幫手。

 

講開呢個追思會冇悲傷，家人早已聲明參與追思會的人士都毋須要穿着素服或佩戴黑領帶，追思會不是一片愁雲慘霧的地方，大家最好能視之為一次朋友共聚的活動，一起聚聚舊， 閒話家常。

 

其中現職商台CEO的前無綫總經理「志雲大師」陳志雲再踏足將軍澳搶盡傳媒的鏡頭，前無綫新聞部揸弗人「吉叔」黃應士亦現身追思會時，但就見唔到佢同現任揸弗人「花哥」有寒暄聚舊。

 

黃應士(左)

 

巴士的團隊曾經講過，當年六叔睇中，大力捧紅花哥，但花哥同吉叔就唔係咁夾，今日在六叔追思會上，睇怕都會放下當年的恩怨。