金管局換陳德霖見光死？

本網早前報道「金管局總裁人選有暗湧」，今年年滿60歲的總裁陳德霖，合約今年9月底到期，金管局總裁沒有法定退休年齡，但傳出他與CY關係不密，有可能換查史美倫去頂佢個位咁話。

 

¥~¶×°òª÷¬£¦¨ÁZÁÈ759»õ

報道出街後，攞命陳(Norman陳的洋名)成個月咁耐冇公開見記者，直至昨日外匯基金投資年結，金管總裁例牌有記者會，攞命陳首度回應，話「相信財爺在其任命安排上，會好小心處理同埋會作出妥善安排，適當時候自有公布。」記者追問佢話「無任何補充」啦。

政壇八卦友觀言察色，話外界集中睇「財爺」呢部份，佢分析吓攞命陳的用語，反而留意「妥善安排」呢幾隻字，有一個令攞命陳感到「妥善」的安排，恐怕都係佢留任啦。

八卦友四圍收風，路邊風話以往呢啲敏感人事消息，都有見光死的例子。之前傳出攞命陳若不續任，將由查史美倫接任，查太無疑財金智識和歷練豐富，但她年紀大過攞命陳，外界對找一個年紀大的去接任年紀輕啲有一定睇法，當然最後如果真係唔換人的話，都唔會淨係睇年齡嘅，攞命哥本身的能力都不容置疑啦。

Ariel

** 博客文章文責自負,不代表本公司立場 **

政改三人組其中兩人譚志源同袁國強，加埋行政會議成員陳智思，昨日到中環推銷政改諮詢派傳單。現場所見律政司司長袁國強派單張時靦靦腆腆，唔識同市民吹水。

佢地在午飯時間派嘢，地點在中環皇后像廣場旁的地鐵口附近。「荀盤強」係資深大狀，律政精英，當然做唔慣呢啲政治工作，只係派單張，唔敢開口撩市民講政改。但佢認為市民唔講嘢唔係政治冷感，可能只係中午趕時間啫。

未婚的袁國強被稱為「荀盤強」，據聞個人能力極高，在行會中講說話極有紋路，甚至有人形容佢係行會中最有料的成員。咁好料當然最啱選特首，但2017年似乎略嫌太早，但未來政治前途未可限量，不過先要學識做政治工作。

講到派單張、主動接觸市民這些事情，的確又唔係傳統精英，特別係袁國強這種人中龍鳳，一時之間可以適應的。

這令人想起一單往事。時為1991年，當時仲叫做御用大狀的李柱銘參加香港首次立法會直選，李馬丁跟住「港同盟」成員到酒樓派宣傳單張，記者見佢嘅表現同今日嘅袁國強一模一樣，又係咁怕醜。市民唔知佢係乜水，對佢愛理不理。李大狀亦唔識得同市民吹水，就好似儍仔咁硬隊單張。不過，其後李大狀經過幾屆選舉，再睇佢落區已經變得如魚得水，談笑風生，與市民打成一片。

所以，凡事都有一個過程，以袁司長這樣的高能人士，相信只要落多幾次區，就唔會再做「怕醜仔」啦。