Skip to Content Facebook Feature Image

財爺的奶茶與蛋撻

博客文章

財爺的奶茶與蛋撻
博客文章

博客文章

財爺的奶茶與蛋撻

2021年07月12日 19:51 最後更新:22:24

消費券計劃開鑼約一個星期,已有五百萬人做了登記,即差不多七成人已經申請了。即使頭幾日曾經出現些少阻滯,但好彩算轉身快讓問題疏解,不少朋友說基本上不用排隊,幾分鐘已完成登記。看來計劃可算是軟著陸,初步過了第一個關卡。

不難留意到,財爺繼續四出軟銷消費券計劃。行街市、巡排檔、坐電車,還去了一家很街坊的茶餐廳飲奶茶、食蛋撻,都是我們日常生活經常到的地方。見他在茶餐廳與隔離幾枱的街坊有講有笑,齊齊討論消費券的登記和計劃如何消費,「招牌笑容」加上與市民的開心合照,氣氛輕鬆自在,與開心消費的主調很配合,從公關形象角度看,算是穩打、小勝的上半場。

想深一層,消費券計劃規模360億元、七百多萬的用戶、十多萬的商戶,以私人機構的規模來說,絕對是大項目。究竟在這大項目之中,誰是真正的大贏家?

有人說是八達通,因為身邊唔少長者選擇以八達通為收取消費券的電子錢包。有人說是其他幾家的電子錢包,因為開拓了不少新的用戶和商戶。也有人說四家儲值支付工具營運商都受惠,因為唔少小商戶都睇準消費券有助刺激市民的消費意欲,終於肯用電子支付方式來收錢。大家講起,坐的士時都可能試過只有五百元或一千元紙幣,司機又無散紙找續,那個無助的一刻都會問為何沒有電子付款的途徑。近期開始有較多的士司機接受電子支付,為消費券做好準備,感覺著實是有改善的。

計我話,真正的贏家是市民。充滿期待地準備收五千元,以師奶仔的每月預算來說,絕對是讓人想花點心思好好運用的銀碼,換部一直想買、又唔捨得買的手機,也不過份吧! 作為男人,將呢五千蚊好豪氣咁、用一半來買禮物送給女友,又或與女友來個staycation,也是加分的表現。雖然而家未收消費券,但都可以玩下抽奬,諗下買乜好!

話時話,反正我老婆變了「鏡粉」去「追星」,不如我另闢戰線去「追波」---- 排隊搵波叔幫我做申請,連登記都可以有人代勞,便只須安心等收消費券,仲可以乘機集郵,在家抗衡「鏡影照」。其實老婆不在時,一個人靜靜地諗下買乜禮物,已經開心左,又或是玩下電子錢包提供的抽奬活動,也算是「未消費、先受惠」。




容義用

** 博客文章文責自負,不代表本公司立場 **

往下看更多文章

最後機會

2021年08月14日 11:51 最後更新:12:36

唔經唔覺,政府的消費券計劃自8月1日派發了第一期的2000元後,至今都經已差不多兩個星期,唔知大家呢筆「意外之財」用成點呢?大家係每日慢慢「搣下搣下」,還是好似財爺波叔咁,買禮物請食蝦餃一日就使晒兼使凸呢?點都好啦,正如傳統智慧話齋「使左出去嘅錢先至係你嘅錢」,所以大家收到消費券後,千祈唔好留手,快快脆脆使左佢,自己開心之餘,又幫手振興到經濟,一舉兩得。

無論係一般市民或做生意的商戶,都十分歡迎消費券計劃。

無論係一般市民或做生意的商戶,都十分歡迎消費券計劃。

從今次坊間反應來看,無論係一般市民或做生意的商戶,都十分歡迎消費券計劃。登記數字上,計劃至今已收到約690萬個登記,即係差不多全港九成半的市民都已登記咗,反應都真係好踴躍。計劃明天(8月14日)午夜就截止登記,我已經叫咗我嗰一千零一個仲未登記嘅朋友,唔好搞到咁「抆」,上網登記只要用佢幾分鐘!佢仲話諗緊可能去郵局或銀行交書面表格,我唯有長氣啲提佢要留意返星期六下午不是辦公時間所以唔會收表,要預夠時間至好。

無論係一般市民或做生意的商戶,都十分歡迎消費券計劃。

無論係一般市民或做生意的商戶,都十分歡迎消費券計劃。

講開登記,我早兩日喺收音機聽到話有部分上網登記,而又選擇上載身份證做認證的市民,原來至今都仲未上載,搞到個登記做唔成、收唔到錢!希望呢班大頭蝦可以趕得切最遲8月16日,即下周一前上載完成身份核證,否則因為咁而拎唔到消費券就真係「見財化水」。

大家記得check下自己的申請係咪完成和有效。

大家記得check下自己的申請係咪完成和有效。

如果你係遞交書面登記表格,都唔好太「老定」住,我聽到局中人話佢哋所收的書面表格中,當中有不少都是無效,例如沒有附上身分證副本、填漏資料之類,政府已經向佢哋發短訊,提醒佢哋要重新遞交。如果你到呢刻都仲未確定自己的登記成唔成功,記得check下自己手機有無收到短訊通知,大家亦可以打電話去政府熱線185 000,查詢自己的申請係咪完成和有效。

至於我呢啲已經有消費券在手嘅,就梗係要繼續齊齊消費啦。過去兩個星期,我都問過下身邊親朋戚友張消費券用成點,特別關心年紀大啲嘅用唔用得掂電子支付呢?結果發現好多老友記其實都好醒,學嘢好快,用起上來無難度。雖然初期聽到話有個別電子支付平台出現咗啲唔順暢情況,但佢哋都好快修正咗。至於有個別商戶對收消費券加咗啲額外條件,我見波叔都好快拍片出來講解,話消費券購物或購買服務,不存在最低消費要求,也不容許額外收費。最近呢個星期,我見類似呢類嘅爭拗亦都好似少咗,似乎政府的訊息交待都算及時和有效。

大家要記住精明消費三步曲。

大家要記住精明消費三步曲。

講真,大家出嚟使錢,最緊要係開心。要使得開心,無論有無消費券,都記住要做個精明消費者,時刻保障好自己權益,面對商戶的不同優惠時要留意啲條款,咁就唔使俾啲無謂爭拗影響自己嘅消費心情啦。學波叔喺網誌話齋,大家要記得精明消費三步曲:睇貨價、睇支付、睇單據啦!

你 或 有 興 趣 的 文 章