消費券日前已到手，全家人開開心心外出吃晚餐兼買了些禮物，碰口碰面的人面口都寬容咗。在商場的大電視，一大班人齊齊睇奧運賽事，氣氛是緊張、刺激又開心，仲見有片段係財爺陳茂波用了消費券、在酒樓請市民食蝦餃，氣氛一流，很有以前大時大節的感覺，全城也添了一層愉快感...消費券嘅魔力真係超出想像。
財爺在酒樓請市民食蝦餃，氣氛一流，很有以前大時大節的感覺。
不過，今天卻有幾個朋友都在 Whatsapp 傳來這麼一則訊息，嚇到我個心離一離：
有朋友在 Whatsapp 傳來這麼一則訊息。
就連老婆的姨媽和姑姐都突然很恐慌，因為老人家嘛，都是用八達通，收到「首期」的消費券，在超市買了些現金券，貪佢有折扣優惠兼且可以留返日後慢慢用(當然超市現金券都有限期!)。她們也收到朋友傳來的同樣訊息，即時擔心自已是否能順利在十月一日收到第二張消費券。
親戚朋友都奔走相告，大家半信半疑卻又暗自擔心。後來看到政府有回應，才放下心頭大石。
「市民可以消費券於接受支付寶香港、八達通、Tap & Go「拍住賞」及WeChat Pay HK作付款方式的本地零售、餐飲和服務業商戶的實體及網上店舖消費。市民不會因為以消費券購買有關店鋪的某類商品而影響他們收取消費券的資格。但任何預繳式消費均涉及風險，市民購買任何商店的現金券時須瞭解其細節詳情。」
其實，政府透過電子錢包發放消費券，都是鼓勵市民在本地消費。即使是用來買現金券，錢還是付了給商戶、流入了本地的經濟體系，同樣達到了消費券的目的。只是消費者的購物彈性，便因買了現金券而局限於某一商家了。而且，現金券其實也有限期的，一唔小心過期，就得不償失了。
如果說這是今天消費券的一大謎團，我在今天內被問了好幾次的消費券另一疑團是：見好多人已用緊消費券，但我還未申請，是否已經截咗止？還能申請嗎？
現在申請還未遲，截止日期是8月14日，快去登記，親身體驗下消費券嘅魔力呀！
我是心胸廣闊的人，對於平時看似很精明、但今天卻這樣問的朋友，能給予無限包容的。朋友，現在申請還未遲，消費券的截止申請日期是8月14日。換言之，還有一個多星期的時間俾你去登記。朋友，就拜託，別等到8月14日的23:59才登入系統，我也希望你能成功登記，有機會親身體驗下消費券嘅魔力，並在領券後請我吃飯呀!!
容義用
** 博客文章文責自負,不代表本公司立場 **
萬眾期待嘅政府消費券，第一期$2000星期日(8月1日)就到手喇！確實諗起都興奮！我有啲friend 一早已瞄準「心頭好」，準備好一炮過買之前十五十六唔捨得嘅大額嘢，亦有friend 話鍾意細水長流「慢慢搣」，總之就各適其適、齊齊興奮啦。可以肯定嘅係，大家手上多了這筆意外之財，行街食飯買嘢時心情會爽啲，手都梗會爽啲。
萬眾期待嘅政府消費券，第一期$2000星期日(8月1日)就到手喇！
早幾日我睇新聞，見到話成個消費券計劃至今已收到超過650萬個登記，即係全港超過九成市民都已經登記咗。當中大約500多萬個係頭兩個星期成功透過電子登記嘅市民，就會率先係星期日拎到第一期$2000嘅消費券，計番條數，即係相等於即刻向本地市場注入大約100億元的消費力，規模確實龐大！難怪近日行係條街，發覺唔少鋪頭都已經加裝咗電子支付工具，對於在疫情期間「餓」左生意好耐嘅本地零售飲食界嚟講，睇嚟已經磨拳擦掌準備好，爭取呢筆龐大消費額！
消費券計劃至今已收到超過650萬個登記。
雖然話頭兩個星期上網登記嘅，都可以係星期日收到錢，但我都「八掛」到有啲個案，似乎係差啲手續未搞掂，所以未必可以係星期日收到券。我於是乎就向局中人打聽下，他們話的確係有啲咁嘅情況。例如，有登記人被選中要就「在港居住」聲明作抽查，但佢哋就無跟指示聯絡Deloitte（德勤），而Deloitte又搵唔到佢哋；又或者佢哋未能及時交齊所需嘅證明文件比Deloitte做核查，咁呢啲情況下個登記就即係未完成，未可以攞券住。
又有一種情況，係市民做電子登記時，選擇以上載身份證複本作身分認證，不過，佢哋係7月17日或之前，仍然未上載身分證複本，咁個登記都係未完成嘅。如果大家對自己係咪成功登記有所懷疑，或者想知自己登記的進度、使唔使再交文件或其他證明的話，可以打熱線電話18 5000，透過簡單的語音系統查詢自己的登記情況。我自己都用過條熱線，好快駁通，輸入少少資料就成功查詢到，都算幾方便。
差啲手續都唔緊要，只要盡快補齊返所需文件，在獲核實資格後仍可以在9月1日獲發第一期消費券。
不過，即使遇到呢啲情況，大家都唔使太過傷心，事關你只要盡快補齊返所需文件，在獲核實資格後仍可以在9月1日獲發第一期消費券。至於八月份點算？宜家外面咁多優惠，唔使旨意忍到手㗎啦，大家因自己需要預先駛啲，提早幫手促進下本港經濟，大家開心啦。
消費券步入發放階段，我聽聞各間儲值支付工具營辦商都緊張為系統做最後測試準備，希望派發當日一切順暢。不過，市民初次用起上嚟嘅時候，可能始終都要「摸一摸」。其中聽講Tap&Go「拍住賞」就好想提醒用戶，要將消費券帳戶入面嘅虛擬Mastercard卡和虛擬銀聯卡加到Apple Wallet、Google Pay或雲閃付app，先可以於本地實體商戶用消費券俾錢喎。咁大家預先聽話set好，到用券時就爽上加爽啦。
消費券步入發放階段喇！
到底星期日消費券派發日市面的情況會係點呢？各商場食肆人流又會有幾暢旺呢？相信坊間好多口痕友以至政府官員嗰日都會睇到實！
