慢鏡細看火龍捲

外國創意影片二人組The Slow Mo Guy專以慢鏡拍攝無聊事物，製作出一段段趣味影片。以下片段喺佢哋點起大火後，用多把風扇產生對流強風形成「火龍捲」。喺慢鏡下火焰就好似一條長長紅色絲帶直衝天際，效果非常華麗。

奇趣錄

** 博客文章文責自負,不代表本公司立場 **

送包裹發現收件人唔喺屋企，速遞員通常都會先收起包裹下次再嚟過，但係英國有人唔知係因為情急定係1無常識，一下拋咗個包裹上屋頂，仲留咗張字條話：「對唔住，喺你屋頂。」

收件人返到屋企見到張卡梗係嬲到爆，影低「物證」放上網公審，質問速遞公司個送貨員係咪弱智。公司發言人唯有扮死狗道歉，解釋個司機本來瞄準窗口，點知失手丟到上屋頂。事後個司機帶備長梯返到間屋，為收件人取回包裹及道歉。