在行內頗具名氣。
香港開電視娛樂新聞主播王凌燕（Vanessa）氣質出眾，笑起上嚟仲有少少怕醜，對腰果眼出晒嚟，見到都覺得冧呀！精通日語文令她有不少機會訪問多位紅星，包括酒井法子、戶田惠梨香及搖滾天團LUNA SEA等，內外兼備！
點擊看圖輯
王凌燕（Vanessa）認為要準備好自己，機會來到就要好好把握。
本網記者攝
Vanessa是香港開電視娛樂新聞主播之一，主力報導娛樂新聞節目。
Vanessa因精通日文經常被公司委派去採訪日本明星。
難忘酒井法子的體貼。
同《愛的迫降》男神玄彬合照。
點少得採訪香港電影界年度盛事金像獎呢？
Vanessa是港大畢業的高材生。
熱愛日本文化她曾到日本創價大學交換留學，更參加了校內舞蹈學會。
考獲日本語能力測試N1資格。
TVB前新聞主播黃紫盈是她的日本留學同學。
Vanessa出生中產家庭，父母經商，不過自小的家庭教育令她十分慳家。
問及感情生活，她怕羞稱現正單身，比較喜歡運動型男生。
Vanessa性格動靜皆宜，社交平台有好多畫畫、行山、做運動的照片，形象健康，唔會刻意Sell性感！
泳衣照索到爆！
一雙長腿非常吸睛！
而且Vanessa還是愛狗之人，對愛犬Makun視如己出，錫到燶。
Vanessa前年獲歐錦棠邀請參演ViuTV劇集《打天下》，亦是她首部處女作。
劇中她飾演厭世少女，更要吊威吔坐在十幾層高的天橋邊，認真博命！
王凌燕（Vanessa）認為要準備好自己，機會來到就要好好把握。
本網記者攝
Vanessa是香港開電視娛樂新聞主播之一，主力報導娛樂新聞節目。
Vanessa畢業於香港大學日本研究學系，副修傳理，曾遠赴日本留學，熱愛新聞工作的她，於2016年加入有線電視，兩年後轉投ViuTV，直至2021年再度重返娘家。Vanessa接受本網專訪說：「其實我由十幾歲開始，已經有追開有線娛樂新聞，嗰陣時係全盛時期，好多個主播我都好鍾意，例如黃翠如同陳貝兒。加上我自己本身好鍾意電影，所以當時已經諗住畢業後投身主播行業，因為覺得呢份工應該幾開心，同好似幾好玩咁樣！」
Vanessa因精通日文經常被公司委派去採訪日本明星。
難忘酒井法子的體貼。
同《愛的迫降》男神玄彬合照。
點少得採訪香港電影界年度盛事金像獎呢？
問到最難忘的採訪經驗？Vanessa笑言必定是與酒井法子近距離接觸：「我記得同酒井法子做專訪嗰陣時，你知佢哋排場好勁㗎嘛，有晒化妝師同髮型師喺側邊stand by，但我就自己一個，頭髮亂咗都唔知，冇人理會，我嗰時啲頭髮有啲亂，法子小姐就叫佢個髮型師幫我整吓頭，佢真係好nice！雖然拍嘅時候我哋要用廣東話去問問題，但係識日文嘅好處就係佢有時講笑，我可以即時可以畀到個反應，同埋有時續問，都可以繼續用日文去追問落去。（有冇辛酸史？）其實一定有辛苦嘅時候，譬如我可能一日要跑三個訪問，每個訪問至少要做一個鐘，但節目出街可能剪到得十五分鐘。好多時採訪到最後一單訪問時，精神狀態已經穩持唔到，但係一對住鏡頭，就要好似要撳咗個掣，要將自己個energy推到最高，呢一啲都係觀眾睇唔到嘅。」
Vanessa是港大畢業的高材生。
熱愛日本文化她曾到日本創價大學交換留學，更參加了校內舞蹈學會。
考獲日本語能力測試N1資格。
TVB前新聞主播黃紫盈是她的日本留學同學。
除了報道娛樂新聞外，Vanessa亦希望未來有機會拍劇、主持節目及司儀工作。她一直積極裝備自己：「其實所有關於演戲嘅工作我都好想做，好似以前我哋公司嘅主播嚴崇天，佢之後都有屬於自己嘅節目，自己都想有機會主持到一啲同日本文化有關嘅節目，希望未來公司會畀機會我，當然我都要再努力啲，等公司覺得我係值得擁有呢個機會喇！另外我讀書嘅時候係做舞台劇嘅，差不多14歲就開始接觸呢個範疇，參加中學嘅戲劇節時攞過演員獎，之後一路去到大學喺港大劇社都有演出，聯校又有校內又有。」
Vanessa出生中產家庭，父母經商，不過自小的家庭教育令她十分慳家。
問及感情生活，她怕羞稱現正單身，比較喜歡運動型男生。
Vanessa性格動靜皆宜，社交平台有好多畫畫、行山、做運動的照片，形象健康，唔會刻意Sell性感！
泳衣照索到爆！
一雙長腿非常吸睛！
Vanessa慶幸工作上一直遇到貴人，不論台前幕後都相處愉快，特別感激歐錦棠帶挈她拍攝ViuTV劇集《打天下》。她說：「我中學嗰時有同過歐錦棠一齊做過舞台劇，因為我哋學校請咗佢嚟做導師，同埋我哋一齊演出一套劇，喺佢身上學到好多嘢，係好難得嘅經驗。我大個之後，我做娛樂主播有機會訪問佢，都有同返佢講，問佢記唔記做過呢套舞台劇，佢話記得仲有keep以前啲相，當時佢喺隔離台都有開一套劇，佢都好好搵我客串，所以好多謝佢，好難得好開心！ 」
而且Vanessa還是愛狗之人，對愛犬Makun視如己出，錫到燶。
Vanessa前年獲歐錦棠邀請參演ViuTV劇集《打天下》，亦是她首部處女作。
劇中她飾演厭世少女，更要吊威吔坐在十幾層高的天橋邊，認真博命！
