沈卓盈慳住使遊名店得個恨字

2015年12月04日 11:05 最後更新：11:05

今年中跟有米男友Ray分手後，沈卓盈Jess迅即打回原形，由1.4億禮頓山豪宅搬回青衣公屋蝸居，日前跟好姊妹徐淑敏遊名店試新裝，瘋狂試鞋揀袋表現雀躍，但最終得Sukie有斬獲，收入有限的她得個恨字。

入行13年，沈卓盈一直未被無線重用，工作寥寥無幾，經常被取笑正職是拍拖釣金龜的她，12年尾成功媾掂富二代金融財俊麥偉汶Ray，拍拖無耐已入主男方市值1.4億禮頓山豪宅，出入有跑車接送，可惜有傳31歲的她過於急進迫婚導致分手收場，豪門夢碎。

上星期更約埋嫁得好老公的徐淑敏到名店VALENTINO試新裝，只見沈卓盈在店內瘋狂試鞋，表現雀躣，個個款都啱心水試上腳又影張相，Sukie則全程拿著手機收發短訊、電郵，似是遙距式管理生意。兩人在店內滾足個半鐘，最終只見Sukie有斬獲，拿著大袋戰利品離開，至於表現好雀躍狂試鞋揀袋的沈卓盈則兩手空空。

往下看更多文章

沈卓盈悉心為好姊妹籌備生日船P 徐菁遙好感動：點解你咁好嘅

前港姐徐菁遙（Suki）自2009年與飲食業界才俊黃浩結婚後便淡出娛樂圈，專心做幸福少奶奶！日前徐菁遙就與沈卓盈及一班好姊妹出海搞船P慶生，並在社交網平台晒出多張靚相！

今次是船P時為徐菁遙及另一位好姊妹慶祝生日，沈卓盈在IG發文：「Throwback to our best moments together. 改完又改嘅約會終於成事，生日總要有點儀式感才好玩！祝願兩位壽星女suki & green，繼續咁靚、咁開心、咁快樂～每年的生日都要一齊過吖～」相中可見，四位靚女坐在紅色跑車造型的遊艇中，兩位壽星女一同捧着蛋糕，露出甜笑！

View this post on Instagram

A post shared by 𝙅𝙚𝙨𝙨𝙞𝙚 𝙨𝙪𝙢沈卓盈🌼 (@jessie_sum)

沈卓盈又晒出與徐菁遙坐在沙灘的合照，可見她穿著露腰小背心，大騷馬甲線，身形Fit爆，而壽星女徐菁遙則白色off-shouder上陣，多年來外貌和身形都未有跌Watt，徐菁遙亦留言感謝沈卓盈的悉心安排，「睇返啲相超開心，多謝babe每年都堅持悉心為我哋準備一個特別嘅生日，點解你咁好嘅，luv u so much.」