努力發掘人才。
68歲的曾志偉自今年1月回巢TVB出任副總經理，上任短短8個多月屢創佳績，上月極速獲委任為總經理，絕對是香港電視圈史無前例的創舉！
點擊看圖輯
曾志偉笑言，由演員到踏入管理層，起初有點不太適應，最近才學懂平衡。
曾志偉早前再獲升職。
曾志偉今日（22日）接受本網獨家專訪，笑言由演員到踏入管理層，兩者分別頗大，面對排山倒海的工作，起初亦有點不太適應，最近才學懂平衡。
曾志偉笑言，由演員到踏入管理層，起初有點不太適應，最近才學懂平衡。
曾志偉說：「自己幾廿年嚟，從來都未試過做文職嘅嘢，其實都唔係好慣，最唔慣要朝九晚五返工，唔慣要睇日曆，公眾假期返工，唔慣要鬧鐘叫醒自己，以前係自然醒嘛！而家逢星期一、二、四同五就一定要去開會，星期三就可以偷少少時間出嚟，開會一定要9點半前返到公司，仲要冇得遲，因為有好多會議係要自己主持嘅，唔喺度，個會就開唔成，變咗個責任感好重。（謝絕晒朋友嘅聚會？）梗係有啦，佢哋約我都冇用，因為而家我嘅時間並唔係控制喺我手上，以前我可以控制，而家夜晚出去有好多都係應酬，以前我哋好少應酬人，藝人嘅生活好唔同，唔同以前晚晚出去都係happy。」
曾志偉於電視城行政大樓的總經理辦公室。
講到年屆退休之齡，銀彈充裕，但最終仍決定接受這項艱巨挑戰，曾志偉指最大原因是希望為業界培育更多新力軍：「其實我成日想同我哋同事，尤其是係年輕嘅創作人去分享，分享我自己嘅經驗，分享我喺呢個行業我所得返嚟嘅，我嘅前輩所賦予畀我一啲一生受用嘅說話，再去同大家分享。因為我覺得呢啲嘢我帶唔走嘅，我累積落嚟嘅經驗我需要留返喺到同佢哋分享，咁至於係咪真係咁呢，其實未必係嘅，因為都要加埋佢哋嘅年輕人而家嘅思維、社會嘅進步同我哋嘅代溝嘅所有嘢，再加上佢哋嘅嘢，咪製造出而家TVB應有嘅現有嘅狀況。」
本網記者攝
無論面對環境順逆，他盼望令TVB這隻巨輪順利向前航行：「我成日形容無綫係一隻巨輪，喺以前擺喺個海到不得了，咁但係鐵達尼號會過時，東方快車都會過時。但而家東方快車都喺歐洲行緊，佢冇行煤係行電，但問題係佢裡面所有嘢都同舊時一樣，遊客坐上去好懷念，但佢係行緊最先進嘅嘢。咁我希望返嚟都能夠將無綫故今合一，做一個與時並進又能夠向前行嘅一個巨輪。咁呢個就需要同我哋而家年輕人一齊凡分享，咁我希望保留返我哋舊人亦會加入新嘅年輕人，一齊去創造未來無綫，呢個係我自己返嚟最希望，如果我能夠做到嘅嘢。」
問到可有幻想TVB於三、五年後的藍圖？他說：「其實就好似將私家車入廠裝返啲設備一樣，冇話唔知架車再行幾多年，唔係佢有幾巴閉，但最緊要係安裝啲啱嘅嘢，揾到好嘅技術人員去保養呢架車，咁我希望TVB能夠揾到適合嘅人繼續行一個適當嘅路線，咁呢隻船就可以繼續向前行，希望有返昔日嘅風光，呢個係我最想見到嘅。唔能夠用時間去限制，就算係我仔女問我到底想做幾耐，我點話到畀你聽做幾耐呢，我當然想下個月我就走啦，但我走嘅定義係咩，我好放心呢個就係我見到嘅TVB，我就會起身。」
曾志偉希望為公司培育更多年輕新力軍。
27歲TVB小花曾文心（Michelle）鴻運當頭，繼去年台慶在全台藝人投票選舉中成功擊敗40多名同期新演員，獲得「全台力撐潛質女藝人」獎項後，上月台慶她再度成為全場焦點，幸運抽中壓軸大獎價值近34萬的汽車一部。近日，曾文心接受本網專訪笑談當晚的「夢幻時刻」，並分享了在《新聞女王2》等劇集中的成長，又大談來年目標。
曾文心（Michelle）近日接受本網專訪。
去年台慶「值得被看見的凡星」環節中，曾文心獲頒發「全台力撐潛質女藝人」。
今年台慶曾文心再抽中大獎，價值近34萬的汽車一部。
曾文心連續兩年獲幸運之神眷顧。
曾文心笑言媽媽在家中看直播時興奮無比，不停大嗌「『文心、文心』！」
台慶中獎如發夢 家人反應更驚喜
對於在台慶夜抽中汽車大獎，曾文心直言毫無心理準備：「我真係呆咗！因為嗰日係我參加台慶幾年嚟最忙嘅一年，又要跳開場舞，又要表演，好似Barbie咁不停換衫。到抽獎嗰刻，我心諗『等陣又要換衫』，點知就聽到自己個名，成個流程好似發夢一樣！」
由於節目後仍有工作，她未能即時與家人分享喜悅。事後聽婆婆轉述，才知道媽媽在家中看直播時興奮無比：「婆婆話我媽媽喺屋企叫到『好傷心』，好似跑馬拉松嗌口號咁，不停嗌『文心、文心』！雖然我感受唔到現場氣氛，但聽到都覺得好搞笑。」問到媽媽是否比她得獎時更開心，她認為兩者是不同的興奮。
談到這份「突如其來」的大禮，曾文心表示手續仍在處理中：「架車已經可以『摸到』，但簽文件嘅程序同費用方面都仲要搞。」她坦言自己尚未考取車牌，但中大獎正是一個絕佳的「契機」，目前正在積極準備駕照考試。被問到會否特意為新車選擇顏色，她笑言抽獎禮物無法自選，但覺得粉紅色也很漂亮。
曾文心透露學生時代的志願原是成為一名外交官。
但媽媽的一句話點燃了曾文心對演藝行業的決心。
曾文心毅然報考中央戲劇學院。
在激烈的競爭中，她以港澳臺考生第一名的佳績成功入讀。
曾文心小時候被星探發掘做模特兒。
從外交官夢到演藝路 連續兩年獲幸運之神眷顧
回顧入行歷程，曾文心的轉向頗具戲劇性。她透露學生時代的志願原是成為一名外交官，從未想過投身演藝行業。轉捩點發生在中五時，媽媽的一句話點燃了她的興趣：「媽媽突然問我，係咪都想試下考演藝學校？因為細個我好鍾意表演，唱歌、跳舞同模特兒都試過，喺街上仲被星探發掘去影相。」在媽媽的支持下，她毅然報考內地的中央戲劇學院，更在激烈的競爭中，以港澳臺考生第一名的佳績成功入讀。
畢業後，她一心加入從小看到大的TVB，甚至曾參選香港小姐，雖因學業中途退出，但最終通過藝員訓練班正式入行。她的堅持很快迎來回報，去年在頒獎禮上驚喜奪得「全台力撐潛質女藝人」，今年又在台慶抽中大獎。對此，她心懷感恩：「我覺得每一年都有個小驚喜。上年個獎好多前輩同同事投票，好似係同事們嘅愛惜，今年就真係冇諗過會抽到車，好感恩。」
本網記者攝
本網記者攝
本網記者攝
本網記者攝
曾文心於2021年成為第31期TVB藝員訓練班學員，畢業後加入TVB。
去年憑劇集《反黑英雄》中扮演學生妹一角成功跑出。
劇中於殘廁被毒打而在觀眾中留下深刻印象。
曾文心表現受到肯定，得到公司重視。
本網記者攝
劇接劇磨練演技 難忘「Man姐」佘詩曼現場提點
今年，曾文心在《麻雀樂團》和《新聞女王2》中都有亮眼表現，她特別珍惜在《新聞女王2》中與視后佘詩曼的合作機會，更獲得對方親自提點。
她憶述，其中一場關鍵戲需要她的角色「狼狗」將Man姐推下水，從而觸發對方的童年陰影：「睇到劇本壓力好大，因為我做開被打嗰個，做動手嗰個心理負擔重好多。」她坦言當時非常緊張，而佘詩曼察覺後，主動與她閒話家常，讓她放鬆：「Man姐好好，佢會教我，譬如點樣嘅時候個眼神要畀到，咩鏡頭要點樣做，佢畀呢啲貼士我，我就即刻冷靜落嚟，之後就好順利拍完。」
這場充滿張力的戲份最終被收錄在劇集彩蛋中。曾文心感激道，即使對手戲不多，但能在現場近距離觀摩佘詩曼與其他演員對戲，已是寶貴的學習經歷：「原來可以前一秒仲同你講緊嘢，下一秒戲就嚟，好犀利。」
在台慶劇《新聞女王2》，曾文心飾演「唐芷瑤」陳曉華心腹「狼狗」。
主力拍片狙擊「文慧心Man姐」佘詩曼。
奸樣演得入型入格。
曾文心難忘獲佘詩曼現場提點。
曾文心指能在現場近距離觀摩佘詩曼演出，已是寶貴的學習經歷。
新一年目標 挑戰多棲發展
展望2026年，曾文心除了繼續做好體育節目《J Sport》主持的工作，亦希望參與更多綜藝節目，展現自己活躍好動的另一面。劇集方面，她同樣懷抱熱忱，《新聞女王2》與《麻雀樂團》的拍攝體驗後，她正積極等待公司的新劇安排，渴望能迎來新的角色挑戰，在演技上尋求突破。
從小學習多種舞蹈和樂器，被媽媽用心培養的文心，如今已能在舞台上獨當一面。她最感激的，一直是家人無條件的支持。新年將至，她許下一個心願：「下年梗係想拎『飛躍進步女藝員』！」」
本網記者攝
談到新一年目標，曾文心盼挑戰多棲發展 。
曾文心表示希望嘗試不同類型的角色，挑戰自己。
以飛躍進步女藝員為目標。
