金融才俊與罅星｜刁佬

大眾心目中覺得金融才俊經常溝明星模特兒，事實上經常被傳媒報導的「金融才俊」，好多都係行內俗稱的「炒鬼」。因此刁佬都好唔中意被人誤稱為「金融才俊」，真係金咩融才咩俊。

事實上金融才俊都唔係成日經常溝明星模特兒，亦唔係成日溝暗星，而是位於明星及暗星之間的「罅」，俗稱「罅星」。為何溝「罅星」？因為明星溝唔到，暗星唔想溝，又要出名，因此溝「罅星」。這類金融才俊同保險經紀、傳銷的心態一樣，跑車、名錶及緊身西裝是基本，要身光頸靚，被人外表睇起來好掂，最緊要有個夢幻般的朵，先可呃水魚課金。「罅星」有一定知名度，同「罅星」一齊，有人寫，便可起朵。說穿了「罅星」都係一件道具。

有一位多年前出現於陳姓男星閃卡事件的女主角，多年前經常被傳媒報導與「金融才俊」拍拖，現在女主角效力於「金融才俊」的老闆，而「金融才俊」現在成為南非金礦Sales一名。

刁佬與「金融才俊」有一面之緣，食緊飯時枱面七部電話，疊完又排，排完又疊，好似打緊天九誓要由「雜章」湊成「至尊」，一睇就知係「炒鬼」。本身刁佬都想忖下佢，乜你而家玩緊天九呀？不過心諗佢都唔識聽中文，又要解釋咩係天九，就此作罷。

某位莫姓住山頂的「金融才俊」，老婆經常哂手袋及做瑜伽，莫姓「金融才俊」的頭銜來源非常特別，他的專業本領是幫人借錢，即做扯皮條。由於他的專業本領可借到錢，因此他自己也下海借埋一份。不過做借錢扯皮條這種收入很難歸還本利和，欠債不還的下場就是滿城街招，早前還被內地公安懸紅500元通緝。

曾經有位上市公司CEO追求當時一曲越咩越愛的吳姓女星，點知由接送至餐廳食飯全程都被人影足。事後有朋友話，其實成件事都係吳姓女星報料畀傳媒，一來意思是該CEO無資格溝我，二來是告訴給所有問價者，如果你條件唔係好過佢，就唔好埋身啦。

近年賭廳大亨溝到不少美女，其中一位混血兒分手後還獲得酒莊。有位經常被稱為「乜乜華頭馬」的邦邦，現在已改名。邦邦口味非常喜歡身材火辣的嫩模，前排有朋友遇到邦邦同一位杜汶澤拖糧事件女主角吃廚師發辦，女主角有一幅非常爆的相，就是著住車厘龜背心，上圍十分澎湃。

友人一路吃廚師發辦，一路斜視，女主角前方有一杯清酒，友人碎碎唸說真係好想佢拎開杯清酒。

刁佬工作室

** 博客文章文責自負,不代表本公司立場 **

昨天有傳媒朋友打畀刁佬，問有關國際古惑基金呃股票事件，刁佬早於三年前已撰文提醒及道出箇中操作，可惜苦主可能當時未有看過刁佬的文章，因而上當。

刁佬同刁鳳於秋風起的一個週五早上吹水，我們討論時下流行的資本市場活動。刁鳳問起有無邊啲賣殼事件係賣完後，賣家留有一手捅舊主一刀，刁佬隨即諗起一單當年轟動的天價賣殼。

當年刁佬曾代表賣家作財務顧問，買方以十多億殼價入主，當時殼價只是普遍6至7億元。這麼高的價錢，連業務賣都值得啦，不過出得咁高價，一定有「輘輷」（讀音：景轟）。買方是一家龐氏騙局公司，經常嗗水投項目，充斥收入及盈利。

雖然對家有不良紀錄，有走數風險，但做買賣唔理對方咩人都好，見錢就收係最安全。超級市場及便利店都會開放畀「老賴」買嘢，想要條香蕉買包煙就放低錢啦，唔畀錢就過主啦，想偷嘢就報警。同樣道理，刁佬建議老闆見錢先賣殼，不見錢不做刁。

點知對方真是真金白銀以發新股形式注入公司，上市公司收了大款後，雙方信用感大增，既然公司已袋了大款，殼價亦以分期付款方式支付，不过世事边有噤如意，殼价收咗頭幾期便收唔到，原股東係呢單刁都唔算太蝕底。不过新股形式注入后上市公司的控股權已易主，而殼主的殼價尚未收足。不出刁佬所料買方資金無以為繼，餘款殼價亦收不回來。

正當以為故事完結，豈料買方做大慈善家，將自家集团連同上市公司一同無條件送畀國有企業，問題馬上變得非常複雜，除了股權由民企变成國企，亦將買家一屁股債無條件送了給國家，由國家承擔去還。而當日向殼主誓神劈願的殼價，亦因時制宜不了了之。

幸好當時真金白銀入股的資金仍存於公司中，原股東亦願意與新股東一起做大做強。可惜神女奇心，襄王無夢，新股東對公司的現會十分雀躍，只想把資金用於還自巳的債，當然又派高息又買項目，能從公司收回多少便多少，但舊主認為很不公平，既然新資金加入理應投於業務發展，雙方經常因公司的資金應該用及產生磨擦，各有各道理，難以圓滿解決。

刁佬教仔便宜莫貪，如果條件非常優厚，一係閣下異於常人，一係就十分貓膩。