立法會休會無耐，田北俊去咗美國睇NBA，係去三藩市睇勁旅金州勇士隊主場比賽，仲要喺facebook貼埋相曬命。
田少話自己睇呢場係勇士「復仇之戰」，皆因勇士今屆大勇，創出NBA史上最長24場連勝紀錄，最近才俾公鹿隊終止咗，田少睇嗰場，係勇士輸咗俾公鹿後，雙方首次對戰，當然好緊張。
唔識NBA嘅朋友聽到田少咁講冇乜感覺，識就知道場比賽值得去睇現場。勇士係NBA嘅超強隊伍，橫掃24場，打到很累，去到第25場，先至俾公鹿打贏， 所以田少就係睇緊對下一場勇士隊復仇之戰。
比賽於19日在勇士主場舉行，勇士開賽狀況並不好，一度落後達15分，直到第四節他們才發起一波絕地反攻，最以121：112在主場成功復仇。
Ariel係NBA擁躉擁躉，偶像就係勇士的球王居里仔（Stephen Curry），田少睇果場波，我都有係網上睇，見到田少有得現場睇波，真係見到都流口水。
好多議員政客出外渡假，都只係去吓滑雪，冇乜特別，田少睇勇士隊比賽，對NBA球迷嚟講就真係有話題啦。所以田少呢幅睇NBA嘅相，可以頒個「最佳眼紅奬」比佢，佢呢次抽水真係抽得非常成功。
Ariel
** 博客文章文責自負,不代表本公司立場 **
李嘉誠出錢出力，用10億元創辦的廣東以色列理工學院，該學院上星期三在汕頭舉行啟動儀式，李超人及其紅顏知己周凱旋一齊出席。
早前內地興起話李超人撤資的言論，周凱旋對傳媒講，李嘉誠為撤資論「感到受傷」，由於他性格君子，而且正值國家主席習近平訪美，為免中圈套，結果沉默了半個月，等待適當時機，才發了3頁聲明，反擊指控，話「此心安處是吾家」，重申對中港投資策略不變。
原來發聲明後一日，李超人就去美國接受「腰椎管狹窄症」（Spinal Stenosis）的減壓手術，他被推進手術室前突然坐起身，指住在場次子李澤楷話：「我同你講，我個基金會超過80%項目要Focus（專注）喺大中華地區，無任何一個人可以改變我呢個決定。就算我有乜事，你覺得有幾多人對我唔好，無人可以改變呢件事。」
李嘉誠一番為將來作安排的言論，嚇得在場醫生解釋只是小手術，話從未失過手。40分鐘後手術完成，李嘉誠很快醒來，至今「仍有少少攰」。
周凱旋「眼紅紅」回想當時情景，話「如果有乜事，有咩萬一，你話李先生係咪含冤？咁大冤屈，It's very wrong（這是很錯）」。
聽周小姐提到李超人做手術，外間第一次知道有呢件事。原來「腰椎管狹窄症」是一種退化性腰骨病，人的腰椎通常脊椎管預留了很多空間，以提供神經在其間活動而不至於受到壓逼。正常神經管寬度超過17至18毫米 。當脊椎管寬度小於12毫米 時，就會出現脊柱狹窄的症狀；當寬度小於10毫米 時，就會產生嚴重的脊柱狹窄症狀，主要覺得腰痛。
李超人用的減壓手術，是一種中度治療，未算最重的手法，主要是移除部分骨質，當脊柱狹窄時，將椎弓移除，可以將骨環打開，緩解脊椎管內脊髓和脊神經的壓力，這也是脊柱狹窄主要的手術治療方式。
李超人可以照常以色列理工學院在汕頭舉行啟動儀式，相信手術成功，他應該無乜事啦。
