挺梁不變 坐位安排變了

在北京述職的特首CY，今日係重頭戲分別見國家主席習近平同總理李克強，結果並無意外，習、李都大力挺CY。

座位安排有小花絮，Ariel睇電視新聞播出CY同李克強見面就發覺，座位安排同以往特首述職唔同，以往都係並排坐在梳化上，兩邊係主管港澳事務的官員，但今次就改咗，有張長的會議桌，李克強坐在中間，而CY、港澳辦主任王光亞同中聯辦主任張曉明，還有特首辦主任邱騰華就在一邊，好似開會咁，由總理主持。

今次座位的改變相信係阿爺刻意的安排，中新社在兩人見面時即刻發稿，引述港澳辦官員指出，這個座位調整更好地體現了憲法和基本法關於中央和特區關係的規定，及行政長官作為行政區首長向中央負責的要求，是更加規範及莊重。

CY見完克強，就向習主席匯報，同樣地座位亦都調整了，習近平同樣坐在中間位置，CY、王光亞、張曉明等坐在一邊，而港澳協調小組組長張德江等就在會議桌的另一邊。

過去中央官員一直講特首述職要規範化，今次改變埋過去類似「見外賓」式安排，更似特首向中央匯報工作。由於習主席講明，「中央充分肯定梁振英及特區政府的工作」，阿爺挺梁不含糊，所以八卦友就不用猜座位變化意味中央不支持CY了。

Ariel

** 博客文章文責自負,不代表本公司立場 **

立法會休會無耐，田北俊去咗美國睇NBA，係去三藩市睇勁旅金州勇士隊主場比賽，仲要喺facebook貼埋相曬命。

田少話自己睇呢場係勇士「復仇之戰」，皆因勇士今屆大勇，創出NBA史上最長24場連勝紀錄，最近才俾公鹿隊終止咗，田少睇嗰場，係勇士輸咗俾公鹿後，雙方首次對戰，當然好緊張。

唔識NBA嘅朋友聽到田少咁講冇乜感覺，識就知道場比賽值得去睇現場。勇士係NBA嘅超強隊伍，橫掃24場，打到很累，去到第25場，先至俾公鹿打贏， 所以田少就係睇緊對下一場勇士隊復仇之戰。

比賽於19日在勇士主場舉行，勇士開賽狀況並不好，一度落後達15分，直到第四節他們才發起一波絕地反攻，最以121：112在主場成功復仇。

Ariel係NBA擁躉擁躉，偶像就係勇士的球王居里仔（Stephen Curry），田少睇果場波，我都有係網上睇，見到田少有得現場睇波，真係見到都流口水。

好多議員政客出外渡假，都只係去吓滑雪，冇乜特別，田少睇勇士隊比賽，對NBA球迷嚟講就真係有話題啦。所以田少呢幅睇NBA嘅相，可以頒個「最佳眼紅奬」比佢，佢呢次抽水真係抽得非常成功。