韓星髮型是潮流指標，梳復古all back蛋撻頭係其中一種，由於呢種頭潮得嚟又斯文，可出席相當廣泛的公開場合，上至去飲，下至去玩都得。
Big Bang 的Top崔昇炫的蛋撻頭 (網上圖片)
當然，要梳出一個整齊、有層次感得嚟又要潮的蛋撻頭就要花點時間去了解竅門，否則稍有不慎就梳了outdate賭神版的all back。所以我們(K11 )Hair Corner髮型師 Thomas Hui 就親身教大家用公司最新出定型寶貝「Your Gel」，靠豐富經驗及心得，輕鬆梳出層次分明的all back蛋撻頭。
需要用到的工具：
Hair Corner – Your Gel 定型啫哩
神奇解結梳
步驟以及小貼士：
隨意wet look版：
洗髮後，別吹乾，先塗上一毫子份量的 Your Gel定型啫哩, , 用手將頭髮分一條斜界, 然後用風筒輕吹乾頭髮。塗時的份量要均勻，否則效果會不太理想。然後用手向上Ｇel起前額頭髮，跟隨心目中的髮型微微改變。至於兩旁的髮絲可以用手指按貼便可。
整齊有層次wet look版：
以「隨意wet look版」做基礎，我們可以再使用「神奇解結梳」，將頭髮梳至整潔乾淨及貼服後，以手指將前額部分頭髮向前向上拉高，再用風筒輕吹即可。
如果大家想了解更多有關髮型產品, 請登入
www.e-hair-corner.com
特約博客
HairCorner
** 博客文章文責自負,不代表本公司立場 **
先為ERROR成員做歌，繼而獲張敬軒及古巨基賞識邀請合作為人認識的全能音樂人Delta T（蛋撻頭），為歷時五載圓夢推出的實體雙CD專輯《INNER-SELF》及《OUTER-SELF》接受雷霆881商業一台《星光背後》專訪。Delta T 五年前以獨立歌手身份出道，其實他早於唸大學時已與友人組成「清晨樂團」並參與不少歌唱比賽追夢逾15年。節目中，Delta T除了大談他儲錢裸辭入行、網上自學曲詞編監？打碟成就出碟及首次開騷的心願外，還大談被張敬軒及古巨基賞識經過，與及監製保錡及193(郭嘉駿)歌曲的趣事，對於193錄歌被評倚賴Auto-Tune(自動調諧)，身為監製的Delta T說：「如果要執走音，根本唔使用Auto-Tune！」
Delta T歷時五載圓夢推出的實體雙CD專輯《INNER-SELF》及《OUTER-SELF》。
Delta T於2020年以獨立歌手出道前，早已將作品放上網，最早找他合作的圈中歌手，是ERROR的吳保錡，他說：「係無啦啦保錡有日DM我搵我合作，任何一個搵我嘅人我都無諗過，梗係好，起碼佢入咗行，我唔放過任何機會畀大家認識我。」Delta T讚保錡是行動派，不會拖延時間，至於保錡經常撞板，他說：「哈！佢衝動嘅，所以亦都正常。」
Delta T 將於2025年10月16日在留白Livehouse舉行他入行五年來的首個個人音樂會《純愛夜SHOW》。
透過保錡，Delta T亦成為193的好友與監製，他認同193本身不是科班出身的歌手，但他指193有其聲音特質，「每個歌手都有優缺點，監製就要將歌手優點放大。其實193有一把好滑、好溫柔同好輕嘅聲線，所以無論係幫佢寫歌或錄歌，就應該去放大呢樣嘢。」對於193的作品被評過度倚賴Auto-Tune，Delta T重申，「坊間hater真係唔熟Auto-Tune，如果要執走音，根本唔使用Auto-Tune！有另一個軟件可以執到好自然而且無Auto-Tune嘅感覺，用Auto-Tune反而花更多功夫。Auto-Tune其實係一個效果選擇，究竟我哋想唔想要一個唔自然同啲人聲平晒的效果？唔同歌手，有人適合，有人唔適合，譬如我同林智樂試玩歌，佢把聲好細膩就唔適合落Auto-Tune，而193本身把聲偏向滑，落Auto-Tune就再滑啲。」合作數年，Delta T亦見證193轉變，「佢變化好大，我第一次同佢錄係《再次PuppyLove》，我咁講好衰，佢當時已經處於一個唔想亂咁唱階段，最初佢係有少少亂咁唱感覺。到一兩年後再同佢錄，就覺得『嘩！你唱得好咗咁多！』佢話：『我而家有學唱歌嘛！』真係唔同晒，以前我係要求佢唱到首歌，而家係我要求佢點唱好首歌。」
為193平反。
Delta T感激張敬軒賞識。
2021年，張敬軒邀請Delta T為其一曲《Sweet Escape》撰寫歌詞，亦因軒仔推介令Delta T開始為人認識，Delta T視軒仔為恩人，也估不到自己一首玩味作《通心粉》會被神級歌星留意，「非常感謝張敬軒，我正式入到行，同佢有最大關係！又係最初收到佢嘅電話，我仲以為係騙徒。去到今時今日，如果件事唔係發生自己身上，我都唔信，係唔會信佢會留意《通心粉》呢首歌。因為呢首歌冇嚟正經，同佢出啲歌完全唔同。佢話要我寫《Sweet Escape》，仲話目標要『少少鹹多多趣』！竟然佢有咁嘅諗法，好！我就同你寫！當佢睇到啲歌詞，仲話我係鹹濕仔！」合作此曲後，Delta T感謝軒仔不時邀他分享作品，令他獲益良多，他亦大讚軒仔與古巨基都是敢於嘗試的神級歌手，「我諗正正因為佢哋肯試新嘢，就能夠上位，對我係好好嘅榜樣！」
今日（10月11日），下午二時至三時於雷霆881商業一台播放的《星光背後》，主持人梁泰來邀得Delta T任嘉賓。
