當喵星人遇上機械貓

喵星人向來相當重視地盤，有壞蛋主人特登買咗隻像真度好高嘅機械貓返屋企，測試屋企大佬有咩反應。一班喵星人見到「外敵」時即刻高度戒備，又會主動上前挑釁。當中有細膽貓仔一見機械貓郁動即刻彈開；亦有貓貓唔介意新朋友到來，黐近機械貓係咁舔。

萌萌動物星球

** 博客文章文責自負,不代表本公司立場 **

Mirabooka同埋小寶寶

澳洲有隻雌性袋鼠小時候失去媽媽，獲一名好心人收養，大個之後放生重回野外，結識伴侶生埋袋鼠BB。呢隻可愛袋鼠雖然重回大自然，但仍無忘本，早前更加帶埋寶寶返去收養人屋企探望。

Reddit用戶Retaboop自稱係一名動物護理員。佢兩年前喺一條馬路邊發現咗隻小袋鼠，袋鼠媽慘被汽車撞死，於是帶咗佢返屋企收養，取名為Mirabooka。

Retaboop照顧過好多隻袋鼠，Mirabooka係其中之一

Mirabooka大個女後重返野外生活，經常會返屋企探望養母。直到早排忽然唔見咗影，Retaboop以為佢唔會再返嚟。誰知日前佢再出現時，育兒袋中仲有隻小寶寶！媽，好感動啊！

袋鼠對所有嘢都充滿好奇，搞到養母一頭煙。不過見到佢哋咁可愛，實在嬲唔落