日前有網民表示自己10年前經宣明會助養的一名阿爾巴尼亞男童，惟發現他近日「又煙又酒又跑車」，過着奢靡生活，而且對方更聲稱從未接受宣明會資助。有關風波不斷發酵，宣明會事隔3日後作出回應，指有關捐款已用在該男童所住的社區。
https://www.facebook.com/watch/?v=612144216703623
點擊看圖輯
香港世界宣明會總幹事馮丹媚表示阿爾巴尼亞辦事處的職員已向男童的父母了解事情。
「受助養男孩」的 Instagram 有不少與友人玩樂的合照，又與跑車合照
「受助養男孩」的 Instagram 有不少與友人玩樂的合照，又與跑車合照。
有網民指自己約 10 年前經宣明會開始助養一名阿爾巴尼亞兒童。
香港世界宣明會總幹事馮丹媚表示阿爾巴尼亞辦事處的職員已向男童的父母了解事情。
香港世界宣明會昨日（8日）在facebook上傳一條短片，總幹事馮丹媚表示阿爾巴尼亞辦事處的職員已向男童的父母了解事情，指該男童一直在Korca社區長大，其父母亦清楚知道宣明會不會直接給錢小朋友，而是將資源放於社區進行發展項目，而宣明會於2009年起在Korca開始社區發展項目，主要包括基於教育、建設、水利及改善生計的工作，幫助當地家庭改善生活及營造更好的兒童成長環境，相信做法比直接捐款給兒童會更長遠而持久。
「受助養男孩」的 Instagram 有不少與友人玩樂的合照，又與跑車合照
馮丹媚續指，明白助養者及市民擔心有關捐款是否幫到小朋友，坦言這正是宣明會一直要做的事，「當我哋考慮我哋嘅撥款時，點樣落到去啲項目嘅時間，我哋都有一個好嚴謹嘅評估程序。我哋會落到社區，睇下當地嘅需要，然後再去睇佢哋嘅具體發展目的係咩嘢，以至我哋將來落咗落去嘅資源，係咪有效咁運用，我哋亦會要求當地定期提交監測報告」，呼籲助養者如有疑問可致電及發電郵予會方跟進。
「受助養男孩」的 Instagram 有不少與友人玩樂的合照，又與跑車合照。
不過，宣明會的回應再次引起熱議，網民質疑按會方說法就不應叫作「助養兒童」，「講助養大家都係覺得幫小朋友交學費、買日用品等等，仲有同小朋友建立感情，互相了解，而家完全唔係嗰回事，啲細路可能連我哋係乜水都唔知」。
有網民指自己約 10 年前經宣明會開始助養一名阿爾巴尼亞兒童。
助養兒童否認曾獲資助 宣明會：捐款用於發展社區
來源：香港世界宣明會fb
宣明會一直關注身處飢餓的兒童及群體，多年來與全球各地多個社區和伙伴合作，全力回應因氣候變化、衝突及貧窮等因素引致的飢餓問題。除了推行各類緊急糧食援助工作，亦致力協助受影響的家庭改善糧食供應及營養情況，為飢餓孩子帶來希望。今年3月至6月期間，宣明會「糧家村」故事系列更首度伙拍英國經典童書Mr. Men Little Miss及羚邦集團（2230.HK）舉行一連串籌款活動，以可愛、親民的漫畫分享更多飢餓及營養不良問題。
世界宣明會「我要世界走飢餓」籌款活動
世界宣明會「我要世界走飢餓」籌款活動
為讓更多人聽見世界飢餓的聲音，宣明會將於4月25及26日假荷里活廣場舉行「我要世界走飢餓- Go & Seek！」活動，更邀得暖男爸爸黎諾懿及細心好媽李佳帶同她的兒子親身到場，分享他們對飢餓的親身體驗和看法，藉此呼籲更多市民齊齊為踢走飢餓出力！
黎諾懿過往多次與宣明會合作，他大讚機構為很多貧瘠地區的人出力，亦希望將來有機會與仔仔一同與宣明會到不同地方探訪，親身了解世界飢餓問題。而首次與宣明會合作的李佳，機緣巧合下於去年與兩位仔仔成為了親子助養者。她去年在網上見到宣明會的助養計劃，立刻打電話去，然後就成為了助養者：「我一直都有留意飢餓問題，因為細個嗰陣，媽媽帶我去雲南一個比較貧瘠嘅地區參觀，當時有好多小朋友伸隻手出嚟跟住我哋架車跑，我就將自己手上嗰包朱古力畀咗佢哋食，呢個畫面好難忘。而家小朋友都好幸福，所以希望通過呢件事（成為助養者）畀佢哋知道，其實世界上仲有好多地方嘅小朋友係好艱難無地方住。而且我用仔仔名義去助養，過兩年當佢哋自己可以對零用錢有自主權，到時佢哋就會知道，有責任要幫助小朋友。」
暖男爸爸黎諾懿
對於食物，兩位家長同樣注重教育兒子們要好好珍惜，黎諾懿經常教導「小春雞」黎峰睿及「小冬牛」黎奕辰不可以浪費食物：「去餐廳食嘢，一定要食得到先好嗌。的而且確，香港嘅小朋友係好幸福，無論係物資定食物都好富裕，差唔多佢哋想要嘅嘢都有，正正因為咁，我哋更加要教識佢哋，有好多小朋友都唔係咁，所以我會帶佢哋睇多啲，希望教識佢哋知足。有機會，我都想畀佢哋感受飢餓，亦都想同佢哋去做探訪。」
圖片來源：黎諾懿IG
李佳指雖然未曾感受過飢餓，但記得疫情隔離期間，為兒子們準備兩餸飯：「佢哋食一餐都可以，但係食幾餐就好唔願意，嗰陣細仔唔肯食，情願自己餓住都唔食，我就同佢講好多小朋友冇嘢食，你幾幸福，佢最後都食咗幾啖，所以有機會嘅話，我都想帶佢哋去外地探訪，畀佢哋親身感受吓。」
雖然兩人都認為香港小朋友物質充裕，但要面對讀書的壓力。早前曾提出「讀書冇用」的黎諾懿，希望能以活動教學的形式，讓小朋友開心成長：「香港小朋友好多都（被）要求分數，又要去補習班、興趣班，填到好滿，我希望我嘅小朋友喺身心有個平衡。其實，關於『讀書冇用』呢件事係一個美麗嘅誤會，我係話『讀死書係冇用』，而家AI嘅年代，對比起傳統嘅學習，我哋需要去協調，我仲要澄清返唔係話乘數表冇用，我係話如果佢唔係做科學家，去背啲科學物理表，對小朋友冇咩用。最重要係跟住小朋友自己嘅才能發展，因為每個小朋友都唔一樣，唔可以用同一種方法去教。」
細心好媽李佳
李佳教育兒子們一向比較嚴謹：「我老公初初同我都有唔同意見，但係我兩個仔都喺香港本地小學讀書，中國教育同外地真係唔同，好似午飯咁，有好長嘅時間佢哋係唔食或者食得好少，佢哋成日問我可唔可以帶飯，但係我會問『點解人人都食，係你哋唔食得？』真係餓就會去試食少少㗎啦。」
細心好媽李佳與仔仔
至於馬年的工作大計，黎諾懿將到馬來西亞開工：「大部分時間暫時都喺馬來西亞，希望香港都可以有多啲節目拍攝，可以同大家見面啦。」而李佳稍後亦會推出新歌，屆時希望讓大家看到不一樣的佳佳。
宣明會「我要世界走飢餓 – Go & Seek！」活動將於4月25及26日假荷里活廣場舉行，除了有黎諾懿及李佳擔任嘉賓，屆時亦有親子互動遊戲、藝術工作坊，更有多款糧家村聯乘Mr. Men Little Miss的期間限定紀念品。另外，4月指定期間惠顧大家樂特定套餐系列可獲贈糧家村聯乘Mr. Men Little Miss的期間限定透明打卡相框及限量版立牌等 (見附表)；而山崎麵飽和鴻福堂亦會於指定期間設捐款箱，讓市民一同以行動支持這項既有趣又有意義的活動！詳情請瀏覽本會網站：https://www.worldvision.org.hk/hungry
