警察最成功的抽水

嚴寒天氣造就極瑞事件，周日有惡女登大帽山被警方阻止，片段瘋傳，全港都頂佢唔順。

昨日香港警察在facebook推咗條片出來，題目叫「【 嚴寒天氣・警方呼籲（更新）】雖然天氣稍為回暖，但山上氣溫仍然寒冷，部分道路仍有結冰。警方呼籲市民切勿在道路解封前前往該區。」 條片第一個定鏡見到的阿Sir係新界南總區交通部署理督察陸國強 ，呢啲政府宣傳片，表面睇唔太吸引。

不過條片下面有位Chris Chan留言話:「 這位呀Sir咪應付昨天個位極品中之極品上山女優嘅高人！」 立即引起反應，原來警方搵咗大戰惡港女的阿Sir拍條片叫人唔好在道路封閉時登山，咁又有話題喎。

唔知阿Chris Chan係唔係警察公共關係科的「媒」，但呢吓畫龍點晴好成功。 條片好受歡迎，今早見有8.6萬人睇咗，有2480個贊。 唔知係唔係太多人睇，直頭入唔到去睇片( 希望唔好係黑客入侵)。 呢次都可以話係警察公共關係科搞facebook以來，最成功的抽水囉。

大家有興趣可以去睇睇: https://www.facebook.com/ HongKongPoliceForce/

Ariel

** 博客文章文責自負,不代表本公司立場 **

大冷天時學校停不停課成為爭議點。中大學生會候選內閣昨日呼籲周一停課，但校長沈祖堯回應話，「 我零下37度都要上學」，就俾學生鬧啦。 

中大學生會候選內閣「煥然」昨日在社交網站指，中大位處山區，氣溫較市區低1至2度，呼籲校方為同學及職工健康着想，考慮今日停課一日，或至少暫停體育課，避免同學於嚴寒及大風天氣下進行戶外活動，影響健康。

候選會長張鈞翹在帖文中點名「Joseph Sung」（即校長沈祖堯），沈則在帖文回覆說，「今日(周日) 相當溫暖（No, it is very warm today!）」，更指自己在加拿大時 ，試過零下37度都要上學，相信學生們也能同樣做到。

張鈞翹稱，該帳戶為校長沈祖堯所有，認為校長的回覆「離地」，因外國有暖氣，但本港情況卻不同，不可直接比較。留言得到大量學生支持。

到今天天朗氣清，有大學校長見到呢個爭拗就插咀話: 「今日咁大個太陽，大學停咗課就衰啦。」