中聯辦今日傍晚在會展舉行酒會，主任張曉明在台上致詞，會場好大，人多熱鬧，唔係人人望得清主席台，中聯辦除了用大螢幕直播台上情況，曉明哥發言時，仲好似睇電視新聞片咁樣，配上中英文字幕，唔驚大家聽唔清楚，都算貼心啦。
曉明哥發言都幾詳盡，羅列咗過去一年中國發生的大事和國家的成就，包括9‧3閱兵，亞投行正式成立等等，當然香港政界人士最關心的都係講香港部分，曉明哥話，中央政府對梁振英行政長官和特區政府的工作是高度肯定的，並將繼續予以堅定支持，睇嚟代表中央明撐CY。
佢話注意到最近一段時間香港社會對一些重大民生問題的討論，這些問題的解決從根本上來說也都要落實到財政能力上。財政能力從何而來？只能是從經濟的持續穩定發展上來。因此，香港各界人士都要有逆水行舟和時不我待的緊迫感，共同支持特區政府並推動全社會把主要精力集中到發展經濟上來，集中到提高香港競爭力上來。
佢仲打開口牌，叫與會者對那些任性地耽誤香港發展的現象，大家都要站出來大聲說「不」。繼CY同林鄭先後公開質疑立法會拉布，令好多工程項目等不能上馬後，曉明哥亦都在呼應特區政府的睇法喎，覺得咁搞落去唔係辦法。
Ariel
** 博客文章文責自負,不代表本公司立場 **
