政事
立法會繼續審議俗稱「網絡23條」的《版權（修訂）條例草案》，政府繼續大力護航，政務司司長林鄭約見立法會曾主席提意見，昨日建制派採取長期留在議事廳，泛民全日辯論只能點算4次法定人數，另外黃毓民提出的終止待續動議，皆不成功， 立法會將於下周三繼續審議條例。
各議員的發言中，工聯會議員麥美娟講話時爆料，佢話工聯會內部討論是否支持就條例二讀終止待續時，有不同意見。她自己更收到美國領事館電話，叫她要支持「網絡23條」，因為這對美國商界在香港營商十分重重云云。
麥美娟自己同美領館向來「冇乜兩句」，想起美領館的話，反而想鬥氣支持終止待續動議，但黨友鄧家彪叫她一定要通過條例，工聯會才決定不支持終止待續動議。
工聯會係阿爺陣營，人所共知，美領館連工聯會議員都去遊說，可見佢地拉票都拉到好全面啦。所以建制派議員條氣就頂住，泛民係你老友，你動員唔到泛民去死撐法案，叫我地犧牲，9月仲要選舉喎！
Ariel
** 博客文章文責自負,不代表本公司立場 **
有人話政務司司長林鄭好打得，當你見識過李國章的工夫後，「 好打得」呢個桂冠要俾阿瑟王李國章啦，佢昨日和港大校長馬斐森開記者會，主要由佢出手，示範以一打七。
李國章直指校委之一的港大學生會會長馮敬恩是「大話精」，不尊重校委會的保密制度，自己在會上對成立檢討委員會投贊成票，但對外宣稱校委會不成立委員會，誤導學生，引發衝擊事件。他又點名批評公民黨背後煽動學生，作出政治干預。
單從李國章開完記者會，引出一大堆泛民作回應，個個磨拳擦掌， 知道阿瑟王變身「政壇葉問」，和所有泛民鬥揪。
政壇高人話，李國章未入港大之前，港大已成一個爛局，前校委會主席梁智鴻斯斯文文，想做好人，想兩邊都討好，結果剛好相反，一樣俾學生砌到傻。政府原本想搵李國章去做中大校董會主席，但見港大局面如此，心念一轉，不如搵佢去港大啦。
高人話，李國章做過中大校長和教育局局長，論資歷無人夠佢深。更重要係佢「唔怕打」，敢於面對泛民的挑戰，在此時此刻搵一個肯去打的人已經好難，仲要打得更加不易，所以就陣前易帥，叫阿瑟王上馬。
如今一試，李國章真係全力打，不會縮頭縮腦。聞說政府最不滿的是在港大事件中，泛民政黨中人積極鼓動， 但佢哋又走出來質疑不讓陳文敏當副校長和讓李國章當主席是政治干 預大學自主，政府認為公民黨等人先至係用政治干預大學自主。可以肯定，唔個話題唔會咁快講完。
