底褲都濕埋！
由肥媽Maria Cordero和陸浩明（6號）主持的無綫全新綜藝節目《美國樂怡善無痛關節360特約：煮．野食》，逢星期一至三晚十點半翡翠台播映。已是第十三度合作主持飲食節目的肥媽與6號，今次將走出街市和錄影廠，深入港人平時甚少去的鴨洲、落馬洲、汀角東海岸等探秘，大玩「人在野」就地取材煮「好西」！
點擊看圖輯
今集肥媽同6號去到落馬洲煮好西。
6號今次man番晒啦。
6號搵命搏摘睡蓮梗。
啲水勁深囉！
一步一驚心。
好彩最後都摘到。
導演自己走咗先！
條褲真係入晒水架。
勁多水囉。
真係唔簡單。
6號話畀肥媽逼到入絕境。
聽到原來有船之後，6號即時崩潰。
肥媽笑6號自己攞嚟賤。
今集肥媽同6號去到落馬洲煮好西。
昨晚（14日）播出的第四集，肥媽與6號去到落馬洲「煮野食」。今集兩人延續鬥嘴本色，肥媽投訴6號成個女人咁：「要做吓男人工作，要Man啲，成日喺度剃鬚同係咁補粉，成個女人咁，靚仔都話吖，但佢咁嘅樣喎，真係懷疑『新抱仔』隻眼有近視！」而6號今次終於「Man起來」，他先是依照肥媽吩咐去劈柴，汲取了上次經驗，他今次出動「外掛」電鋸收集木柴之餘，更學會拾枯枝作燃料，所以這次起爐的速度比以往有效率。
6號今次man番晒啦。
6號搵命搏摘睡蓮梗。
啲水勁深囉！
一步一驚心。
好彩最後都摘到。
導演自己走咗先！
今集最艱辛的任務，是肥媽Order 6號勇闖睡蓮池摘睡蓮梗！6號穿起防水褲戰戰兢兢地走入睡蓮池，他甫開始便深感不妙：「落到水第一個感覺，覺得係瀨嘢！」一步一驚心的6號，雙腳被水草纏住之餘，水的深度更去到6號胸口，防水褲慘變「入水褲」；由於「災情」嚴重，最終連導演也宣布投降「先行告退」，留下6號繼續獨自努力。
條褲真係入晒水架。
勁多水囉。
真係唔簡單。
6號幾經辛苦摘了三棵睡蓮梗，返回岸上後，更急不及待將「防水褲」內的水倒出來，期間樣子相當狼狽，6號事後直指「底褲都濕埋」。更爆笑的是，及後村民指其實可撐船到蓮塘，令到「白忙一場」的6號十分崩潰，肥媽更踩多腳謂：「其實蓮花池唔使落咁深，但佢貪心！咁多Jeans唔着，着條『攞嚟Jeans（攞嚟賤）』， 唔關我事吖大佬！」
其實很多人不知道睡蓮梗可以食用，睡蓮梗有解暑清熱、理氣化濕的作用，肥媽以秘製的墨西哥醬、香料快炒煮熟，最後加上雞蛋為菜式賦予靈魂，6號更是食到舔舔脷。另今晚（15日）播出的第五集，肥媽與6號繼續在落馬洲煮好西，6號會撐船仔出魚塘撈魚，肥媽則會下廚炮製「秘製番茄醬燴鯽魚」，她更會教大家煎魚不黐鑊秘訣，敬請密切留意今晚（15日）播出的最新一集《煮．野食》！
6號話畀肥媽逼到入絕境。
聽到原來有船之後，6號即時崩潰。
肥媽笑6號自己攞嚟賤。
