晒BB超聲波相分享喜悅 郭思琳承諾將同吳浩康補擺酒

吳浩康（Deep）日前宣佈雙喜臨門，與落選港姐郭思琳奉子成婚，二人上月已低調入紙申請註冊結婚。而未婚妻郭思琳今日亦於IG分享二人合照以及BB的超聲波相，表示已經收到大家的祝福，又正式公佈一次將做人妻及人母的好消息。但現時本港疫情仍然非常嚴峻，二人暫時未能大搞婚禮宴請親朋，「人生大事當然想和大家分享喜悅……可是疫情嚴峻，結婚有限聚令……註冊當天未能邀請親朋戚友前來觀禮，望見諒！」並承諾待疫情穩定，她與Deep補辦喜酒必會邀請大家！

準人妻郭思琳今日都出Po正式報一次喜。

分享BB超聲波相。

郭思琳與吳浩康上月入紙申請註冊結婚。

吳浩康昨日（5日）已經公開認喜訊，表示將為人夫兼人父。

希望疫情快啲完，郭思琳同吳浩康可以快啲補擺酒啦！

一眾圈中好友都有留言或於IG限時動態祝福郭思琳，而郭思琳就於眾多IG限時動態中轉發了黎美言（Winkie）的祝福Po，仲反問Winkie幾時做人妻，「幾時輪到你啫？」其實Winkie同男友感情穩定，上月受訪都話視對方為結婚對象，不過幾時完成人生大事，她則表示順其自然。唔知有意生B的Winkie，會否學好友咁奉子成婚呢？

唔知幾時到Winkie呢？

Winkie出Po祝福好友，反而被催婚。

吳浩康、阿正、舒文樂出席《The Singleton Just Sing》記者會

源於1838年的The Singleton為知名蘇格蘭威士忌品牌，多年支持香港音樂會事業，除贊助不少音樂節活動外，亦支持香港音樂發展，近日全力支持耀榮文化舉行《The Singleton Just Sing》歌唱比賽，發掘樂壇超新星。於2024年4月11日，吳浩康、阿正、舒文樂出席《The Singleton Just Sing》記者會，吳浩康表示近日工作忙碌，感謝老闆願「夾期」開工：「最近都多翻好多工作，多謝咁多客戶支持、網民每一個Like！（日期地盤火災，家人擔心？）地盤好多意外潛伏，每日返工都唔係講玩，家人都知地盤危險，佢地一早都擔心咗。」

合照

吳浩康表示近日工作忙碌，感謝老闆願「夾期」開工

而電台節目主持阿正就話自己鍾意同閨蜜飲兩杯， 不過自爆酒量「麻麻地」：「 因為我平時都要做司儀，要長期保持清醒都唔敢飲，所以返到屋企先至會同啲朋。」不過講到阿正至愛嘅Jeffrey 魏浚笙，阿正話見到Jeffrey「自帶酒精效果」，望住佢長期都「暈暈哋」好有魔力，但坐對方座駕就會即時酒醒：「如果喺坐Jeffrey嘅車就冇酒醉感，反而係清醒咗，因為危機意識好強，要掹大眼睇清楚周圍，可能會喺最後一秒睇到呢個世界。 」

電台節目主持阿正就話自己鍾意同閨蜜飲兩杯

音樂監製人舒文樂見新人湧現，坦言要新血令樂壇添朝氣：「每個人的聲線都有不同的特質，我盼活動為樂壇找到新血，上去舞台放鬆去唱、享受當下最重要。」至於音樂人係咪大部份都會鍾意飲酒? 舒文話大部份音樂人都係唔清醒嘅，因為喺唔清醒狀態表現係最好，而音樂係潛意識，要用盡方法將理性抹走，而好味嘅酒精係幫助到。

音樂監製人舒文樂見新人湧現，坦言要新血令樂壇添朝氣