吳浩康（Deep）早前與音樂人兼好兄弟陳思捷（Cedric）隨宣明會到非洲烏干達五天探訪交流，從當地難民身上見證無數堅韌的力量與希望，其中單親媽媽Rose的故事，更啟發Deep重新思考與家人的關係。
吳浩康和陳思捷參與HOPE Alive! 宣明會守護脆弱孩子-烏干達探訪之旅。
是次的烏干達探訪之旅，屬宣明會守護脆弱孩子的「HOPE Alive!」計劃，旨在傳遞「只要在乎，就有希望」（Hope is alive when we care）的訊息，透過與逃離戰火流徙至烏干達的難民交流，認識難民的處境，並了解宣明會的當地工作。Deep笑指未出發前，對烏干達完全零認識，探訪過後，發現是一個貧瘠的國家幫忙另外一個貧瘠國家：「我覺得烏干達政府，對蘇丹及南蘇丹嘅難民，真係好大嘅支援，起碼有得逃離自己嗰個國家戰火嘅危險。」
點擊看圖輯
吳浩康和陳思捷參與HOPE Alive! 宣明會守護脆弱孩子-烏干達探訪之旅。
抵達難民收容中心後，好奇的孩子蜂擁圍著吳浩康。
吳浩康及陳思捷聯同當地團體Nature Talent Foundation 演唱，交流音樂。
吳浩康與當地宣明會職員合唱表演。
吳浩康及陳思捷與難民孩子合拍《This Little Light Of Mine》MV，現場氣氛澎湃。
吳浩康與陳思捷、 Rose及她的好友Lilian交流生活點滴。
吳浩康與陳思捷以音樂及遊戲，與單親媽媽Rose一家的孩子破冰。
吳浩康與單親媽媽Rose的孩子合照。
吳浩康與單親媽媽Rose的孩子合照。
單親媽媽Rose帶吳浩康及陳思捷參觀她的家。
吳浩康與陳思捷走進Rose的農田，了解乾旱如何影響她的農作物收成，導致她們一家長期捱餓。
吳浩康和陳思捷於小記者Job的社區裡與難民孩子合照。
吳浩康小心翼翼地協助派發熱餐予難民。
吳浩康探訪小記者Job的家。
Job受惠於宣明會「手機記者培訓」，夢想成為出色的記者。
吳浩康從難民中看見生命力與希望：「我哋喺城市生活嘅人，可能真係需要好多嘢先有盼望，但係佢哋乜都冇。」
吳浩康與陳思捷與當地團體I Can South Sudan的難民孩子一起舞動歡笑，感受舞蹈的力量。
Deep希望兒子有機會自己去探訪、體驗，亦希望與太太一同再去探訪。
吳浩康與Superior Avenue Arts的創辦人Emmanuel及 Morgan合影。
年青畫家Emmanuel和Morgan化身導遊，帶吳浩康及陳思捷走一趟「壁畫之旅」，從他們創作的壁畫中，認識當地難民的背景、需要和盼望。
吳浩康與陳思捷在當地學校，與Superior Avenue Arts的難民青少年完成「Hope Alive!」壁畫。
香港世界宣明會總幹事馮丹媚女士、吳浩康及陳思捷與 Superior Avenue Arts和一眾參與 MV 的難民孩子合照。
抵達難民收容中心後，好奇的孩子蜂擁圍著吳浩康。
吳浩康及陳思捷聯同當地團體Nature Talent Foundation 演唱，交流音樂。
吳浩康與當地宣明會職員合唱表演。
吳浩康及陳思捷與難民孩子合拍《This Little Light Of Mine》MV，現場氣氛澎湃。
探訪活動包括於Bidibidi難民營及Adjumani的難民收容中心探望難民、與當地年青畫家畫壁畫、與年青舞者跳舞，又與青少年音樂團體Nature Talent Foundation jam歌及演唱等，其中Deep被單親媽媽Rose照顧寄養小朋友的故事，深受觸動，「一個女性帶住十個小朋友，四個係親生，其他係親戚同寄養，當中更有三個存有殘障嘅問題。我諗唔少都市人都經歷過婚姻問題，已經好困擾、好傷，Rose結婚，之後自己嘅國家有動盪，要走難、面對生死，諗住去新嘅地方開始新生活，又因為生咗有殘疾嘅細路仔，老公好嫌棄佢，覺得佢有罪，於是離開佢。Rose，一個被嫌棄嘅人，冇嫌棄其他人，自己都未餵得飽，仲要餵十個細路仔，嗰個愛好大。」
吳浩康與陳思捷、 Rose及她的好友Lilian交流生活點滴。
吳浩康與陳思捷以音樂及遊戲，與單親媽媽Rose一家的孩子破冰。
吳浩康與單親媽媽Rose的孩子合照。
吳浩康與單親媽媽Rose的孩子合照。
單親媽媽Rose帶吳浩康及陳思捷參觀她的家。
吳浩康與陳思捷走進Rose的農田，了解乾旱如何影響她的農作物收成，導致她們一家長期捱餓。
Deep坦言在都市生活的我們，家庭成員間沒有經歷過特別大的共同難關，很多關口都是各自面對，對比身處困境的難民：「見到佢哋走難，啲大人帶住十幾個細路，有啲係侄仔、外甥，或者阿嫂跟住大哥一齊走，我都會反省，係咪真係要到咁危急，先可以放低自己嘅想法，同屋企人相處？有危難嘅時候，可能最會幫你嘅，就係平日同你鬧交嗰個兄弟姊妹，如果係咁，喺平安嘅時候，又何必太挑剔對方？有時嬲，係因為我地太得閒，真係會咁，不如多啲包容。」他從難民中看見生命力與希望：「我哋喺城市生活嘅人，可能真係需要好多嘢先有盼望，但係佢哋乜都冇。」
吳浩康和陳思捷於小記者Job的社區裡與難民孩子合照。
吳浩康小心翼翼地協助派發熱餐予難民。
Deep有感而發：「 （難民）佢哋做錯啲咩？佢哋做啱晒都冇用，冇得揀幾時、點樣發生，就係發生咗。我對自己想做嘅嘢，其實冇咩信心同把握，係一股傻勁去做，做到有成果為止，喺我個世界一直冇舒適圈呢回事，因為做咩都唔舒服，行嗰陣都會懷疑自己。佢哋畀我好大力量，『希望』係同環境冇關，『希望』係關自己個心事，唔係要有證據先有希望，係有希望先會發現曙光。」問到當下會如何評價自己？Deep坦言不想標籤自己，任何好壞都只是局限自己：「我唔想畀太多壓力自己，總之當刻對我有意義嘅事就去做，就算未必做到心裏面想嘅，會唔會唔開心？唔會，因為我知道始終有日會做到。」
吳浩康探訪小記者Job的家。
Job受惠於宣明會「手機記者培訓」，夢想成為出色的記者。
吳浩康從難民中看見生命力與希望：「我哋喺城市生活嘅人，可能真係需要好多嘢先有盼望，但係佢哋乜都冇。」
Deep又指近年得到大家的欣賞與嘉許，其實是受之有愧：「我只係個普通中年男人，一班地鐵有好多嗰種，嘉許我，我好多謝、好開心。但係實在有太多人同我一樣，甚至做得比我更好。我個仔今年九月先三歲，好多人已經養到仔女長大成人，嗰啲係咪更值得欣賞？大家用睇我嘅角度睇吓你老公，就會發現佢比呢個所謂真漢子做得多十倍，但係講（表達欣賞）少一百倍。」
吳浩康與陳思捷與當地團體I Can South Sudan的難民孩子一起舞動歡笑，感受舞蹈的力量。
Deep透露完成探訪回家，看到兒子便衝過去抱抱：「係好開心，但係又証明咗，我掛住老婆多過個仔。我都唔知點解，可能識佢耐啲，會諗佢一個人喺香港頂住，都吃力㗎。起碼平日我都可以幫手做啲簡單嘢，但係佢連呢個喘息都冇，所以都好多謝佢。」假如將來有機會，Deep希望兒子自己去探訪、親身體驗，亦希望與太太一同再去探訪。
Deep希望兒子有機會自己去探訪、體驗，亦希望與太太一同再去探訪。
最後，Deep因為「HOPE Alive!」的行程帶來創作靈感，將與Cedric合寫音樂作品，而他的樂隊Closer亦會再就此創作：「應該至少有兩首歌，希望九月尾音樂會前，有個好粗糙嘅錄音。另外，都會同Closer自資出歌，個人方面暫時都自資先，開始鋪墊自己嘅演唱會。」Deep亦受難民營兩位義教畫畫的老師啟發，計劃義教幫助有需要的基層人士學習唱歌。
吳浩康與Superior Avenue Arts的創辦人Emmanuel及 Morgan合影。
年青畫家Emmanuel和Morgan化身導遊，帶吳浩康及陳思捷走一趟「壁畫之旅」，從他們創作的壁畫中，認識當地難民的背景、需要和盼望。
吳浩康與陳思捷在當地學校，與Superior Avenue Arts的難民青少年完成「Hope Alive!」壁畫。
香港世界宣明會總幹事馮丹媚女士、吳浩康及陳思捷與 Superior Avenue Arts和一眾參與 MV 的難民孩子合照。
