霸戲哥之日常#073 │ 手機煲劇

我諗呢次係我人生第一次用手機煲劇。喺AMM心動app搞咗一大輪，最後都係射唔到上電視，結果同豬視妹一齊控埋個芒度睇。冇計，為咗睇戚其義套《逐流時代》，屈就啲都要。

呢個付出絕對有回報，可以近距離睇到比堅尼@louisa_mak 麥明詩出水芙蓉一幕，拿拿聲cap圖send畀好兄弟B哥，好嘢梗係開心share。

之前講過要留意@boysquare 麥子樂嘅演技，今集即刻有發揮，因為要近距離昅麥明詩，佢演活咗嗰種可遠觀而不可褻玩嘅患得患失感覺，可以做meme。原來呢幕係分開拍嘅，麥子樂聲稱，而當時佢係望住男攝影師做反應……

講番正經，套劇第一集嚟講算唔錯，簡單交代晒三兄弟麥子樂、黃又南同林耀聲嘅人物性格，仲有久違嘅崔加寶登場添！美中不足係得嗰25分鐘（連主題曲），有啲到喉唔到肺。

期待黃德斌出場。

#霸戲哥之日常
#逐流時代
#麥明詩世一
#麥子樂世一
#戚其義
#霸戲哥
#豬視妹
#林耀聲 #黃又南 #崔加寶 #黃德斌

霸戲哥

** 博客文章文責自負,不代表本公司立場 **

奧斯卡完晒，但估唔到今日都仲係Will Smith洗板，悶晤悶啲呀？所以，霸戲哥決定講啲另類嘢，就係由疊谷哲也執導嘅日本喜劇動畫《新羅馬浴場》，啱啱喺 Netflix上架。

《新羅馬浴場》第一季共11集，故事講述古羅馬浴場建築師路西斯，某日發現自己居然可以穿越到現代嘅日本澡堂，佢睇到現代文明嚇到呆咗，但同時激發起好多諗頭，將佢哋帶返去古羅馬。係咪好有《超時空男臣》feel呢！

呢套動畫唔止得啖笑，作者山崎麻里仲親自擔任編劇統籌，極之認真咁研究日本澡堂文化同古羅馬浴場文化，並將兩者文化衝擊融合，堆砌出更多笑料。大家想放鬆心情嗰陣，煲一兩集就fit晒。

冇咩事，我都去沖個熱水涼relax吓先。