校網被抽稿？

又一個科技夢，WhatsApp創辦人成功以天價賣出成為網絡熱話，FB同WhatsApp大力影響住我哋的生活，唔少新聞話題都係咁傳來傳去走出嚟。

 

話說呢兩日，唔少樹仁大學新傳系裡裡外外的同學、老師、校友都在WhatsApp或者FB發現一段訊息，話在樹仁新傳網，有一個叫「敢批」的欄目，有篇關於東北發展的文章被刪，要求校方澄清維護新聞言論自由的立場。內容如下：

 

「請花點時間睇,有關新傳系的言論自由

 

樹仁新傳網一段有關東北發展的新聞敢批
在15號出街後兩日被收返

有傳原因係內容有偏頗,唔夠持平
由學校高層人士命令收回
新聞敢批,要有敢,要有批就有反對,有抨擊
有立場的片段就唔出得街
咁仲有人夠"敢"去批評

新傳網網上寫有:所持的方針是百花齊放、百家爭鳴
但有立場,批評政府,同政府對著幹的內容就唔講得
根本唔容許有第二把聲音係樹仁存在
更重要係出街後先收返,點解唔係一早唔出
咁樣只會令人聯想到政治審查

樹仁新傳系多次發公開信
反對社會打壓新聞言論自由的行為
但今次卻自己打壓自己學生的言論自由
講一套做一套

各位同學，我們為咩要讀新聞系？
我相信新聞系既大家，一定有同其他人唔同的地方
雖然唔係每個人都好似我咁關注好多議題，社運，etc
但至少大家都對新聞有團火，想成為一個見得人既傳媒人。

記唔記得新傳系導師張景寧講過
新聞工作者就係堅持著一些信念
為了真相，也為了公義。
長井健司到死個刻都高舉攝錄機
都係為左要將真相話畀全世界
緬甸軍政府既殘酷同不義

今日被抽稿的是東北
明天被問話既可能是你同我
唔再講得真話，唔再講得李慧玲，唔再講得HKTV。

我唔要求大家要站出來為邊個同學出頭
但謹記自己點解會入黎樹仁新傳
點解要做GA，點解要搞咁多?

我地都係人，都有想法，都有意見
我地做記者既，唔係要分析，俾觀點咩?
如果直接講人地講過既野，請個讀稿既人就得

如果將我地教導成唔敢去提出意見
咁我地將來做記者又點會有意見提出
點可以做到監測政府的角色
扼殺新聞言論自由，由訓練記者做起

我地要求校方交代事件
澄清對維護新聞言論自由的立場
對政治新聞，對爭議性新聞容許各方的聲音存在

 

share俾你既同學,同系外系,校內校外
俾多D人知道」

 

那篇文章已經刪除，傳聞呢段就係原稿：

 

 

外傳係新傳系系主任梁天偉決定刪去，我哋問過佢，佢話唔回應WhatsApp及FB呢段內容。但作為樹仁新傳網社長的梁天偉就認係佢抽起篇文，認為呢個平台唔係亂鬧人，文章要不偏不倚，有事實根據就可以出，冇事實根據就唔會出。

 

我們作為第三者，睇番段東北發展的評論，又真係唔覺得好敏感，話梁主任因內容而抽稿，又唔係咁似囉。

Ariel

** 博客文章文責自負,不代表本公司立場 **

《香港晨報》近期四處招兵買馬，此前坊間一直傳會請400人，《晨報》負責人郭慶榕日前同傳媒澄清，唔係請400人咁少，係1000人至真。聽完之後的第一個感覺，只有一個字：「勁」。

早前巴士的報幫《晨報》計數，無10億元無得玩。睇完郭慶榕一番講解，條數隨時去到20億。本來計算晨報請400人，人工每月平均大約25000元，一年工資就要1.2億萬，依家請1000人，一年人工就要3億，加埋印刷成本4.4億，一年的基本開支就要7.4億，比原先想象的仲要貴。

晨報可以賣到幾多報紙、收到幾多廣告?唔知，但咁玩法，一年蝕個5億、6億，絕不為奇。更「勁」係《晨報》仲話要起自己的印刷廠，依家起印刷廠，認真唔平，冇10億元落唔到樓。所以話，佢地如果冇20億在手，真係玩唔到兩年。

千祈唔好以為我地督大數，聽聞有人好大口氣，四處同人講《晨報》有大把水，無有怕，預咗一年燒6億咁話。不過，郭慶榕至今都未有透露資金從何而來？話時話，唔知邊個有錢人可以疊水成咁，可以10幾、20億出來玩呢個遊戲呢？