人生得一知己足矣。
《360秒人生課堂》昨（21日）晚嘉賓是無綫「綠葉王」戴耀明，旁聽嘉賓則為同是綠葉之光的許思敏（群姐），向公司一直默默耕耘的綠葉演員們致敬。
點擊看圖輯
大合照：（左起）國際級著名演說家李炫華、群姐（許思敏）、戴耀明、戴媽媽、主持林盛斌
網民話：「戴耀明！由今日起，我記得你的名字！」
戴耀明當年曾有機會北上發展掘金，但為了照顧媽咪，他毅然決定放棄良機。
網民大讚戴耀明孝順。
好友譚俊彥喺冇通知戴耀明嘅情況下，幫好友圓夢帶咗戴媽媽遊電視城。
仲要講番同戴耀明當年齊齊拍劇嘅點滴，都咪話唔感人。
譚俊彥仲不斷幫戴媽媽影相。
譚俊彥在台後聽好友演講時，哭成淚人！
戴媽媽當然都好感動啦。
遊完電視城後，仲帶埋戴媽媽上台搵戴耀明，搞到明仔嚇到腳軟。
齋單眼神同肢體語言，都知譚俊彥有幾錫戴媽媽同戴耀明。
難怪網民都對呢位好好先生讚口不絕。
電視截屏
戴耀明同媽咪嘅互動輕鬆搞笑得嚟又有愛，單看照片也感受到二人有多好感情。
大合照：（左起）國際級著名演說家李炫華、群姐（許思敏）、戴耀明、戴媽媽、主持林盛斌
觀看相關影片按連結：https://youtu.be/xQj-oQYmnAM
以搞笑Tone道出綠葉之苦的戴耀明，甫上台即暢談「別人硬係叫唔出佢個名」的種種經驗。他透露最難過一次，是在蘭桂坊遭醉酒男子大叫「死茄哩啡」，戴耀明坦言當時帶點醉意的他，忍不住流下男兒淚：「原來我做咗十年，畀人感覺都係一個茄哩啡，仲要加個死，當然死茄哩啡呢四個字並冇打沉我意志。」之後戴耀明再於吃飯期間遭親切的婆婆以「茄哩啡」問候，不過這次送上的卻是窩心的鼓勵：「黎耀祥都做咗好多年茄哩啡先捱出頭，你畀心機呀，阿婆支持你呀。」
戴耀明亦確實從來沒有因為名字沒有刻在觀眾心底而放棄，還是小演員的時候，戴耀明曾被通知要反串飾演「有特寫鏡頭」的舞小姐，縱然不是優差，但覺得要抓緊每個機會的戴耀明，竟天真的當晚即花了兩個月人工直闖夜總會增加「體驗」，豈料最終卻因「唔夠樣衰」錯過角色：「編導話我男扮女裝個樣太靚。」直認綠葉生涯艱難的戴耀明，重申只有一個心願：「眨吓眼做咗廿幾年，我呢團火冇熄到。各位街坊，如果第時見到我，我唔係邊個邊個，我亦唔係茄哩啡，我個名叫做戴耀明，我係一個演員。」
網民話：「戴耀明！由今日起，我記得你的名字！」
出身草根家庭的戴耀明，大多數「做番自己」飾演基層，尤其擅長飾演小人物或小古惑。直到2010年，戴耀明抓緊了演藝生涯中首個良機，憑《鐵馬尋橋》「義氣排長」一角突圍；在劇中以真摯眼淚感動無數觀眾的戴耀明，眼淚背後卻另藏心酸故事：「11年前我爸過咗身，當時我都懷疑自己情緒有問題，咁啱TVB搵我做《鐵馬》，劇入面有大量喊戲，嗰時話喊就喊…添哥（《鐵馬》監製李添勝）嗰時都讚我：『你個衰仔估唔到平時做開騎騎呢呢，做起呢啲嘢都OK啦，流馬尿幾好！』嗰時我開始諗，原來做演員係需要有經歷，但好坦白講，我爸過身呢種經歷，如果可以畀我重頭揀，我寧願冇。」
戴耀明當年曾有機會北上發展掘金，但為了照顧媽咪，他毅然決定放棄良機。
戴耀明還大談已年逾80歲的母親，在戴耀明眼中「戇居居+天真無邪」的戴媽媽，近年起勢向阿仔催婚，為的是怕自己死後阿仔沒有伴，戴耀明引述戴媽媽當時言談：「第時唔覺意你媽兩腳一伸，你又唔覺意喺TVB攞咗個咩獎，咁你返到屋企拎住個獎戇居居，咪冇人同你分享。你阿媽頂晒櫳變隻飛蛾對你笑一笑，到時你都唔鬼知啦。」樂天又敢言的戴媽媽，更心懷希冀阿仔有天能吐氣揚眉，她曾這樣對戴耀明說：「聽講荷里活餐車放食飯有幾廿樣嘢揀架，好似食自助餐咁，你有機會帶阿媽去見識吓。」戴耀明坦言最慚愧的不是還未吐氣揚眉，而是竟連媽媽「電視城一日遊」的心願仍尚未實踐：「我撈咗幾廿年，連帶我媽返電視城參觀都未試過。」
網民大讚戴耀明孝順。
為了一圓戴耀明母子心願，《360秒人生課堂》台前幕後以及戴耀明好友譚俊彥早有準備。原來戴耀明錄影當日，其好友譚俊彥悄悄地帶戴媽媽參觀電視城，更於古裝街向戴媽媽大談戴耀明拍劇點滴，過程中還不忘表達對好友的感激，譚俊彥說：「我嗰時啱啱嚟TVB，個個都唔識，佢成日照顧我，最緊要大家照顧大家。有時我有啲戲唔明白，我都會打畀佢。」
好友譚俊彥喺冇通知戴耀明嘅情況下，幫好友圓夢帶咗戴媽媽遊電視城。
仲要講番同戴耀明當年齊齊拍劇嘅點滴，都咪話唔感人。
譚俊彥仲不斷幫戴媽媽影相。
之後，譚俊彥與戴媽媽坐定定於後台欣賞戴耀明演講，譚俊彥更為好友直流眼淚，與戴媽媽一起哭個不停，之後再將戴媽媽帶上台並向戴耀明送上擁抱，場面感人。
譚俊彥在台後聽好友演講時，哭成淚人！
戴媽媽當然都好感動啦。
遊完電視城後，仲帶埋戴媽媽上台搵戴耀明，搞到明仔嚇到腳軟。
齋單眼神同肢體語言，都知譚俊彥有幾錫戴媽媽同戴耀明。
難怪網民都對呢位好好先生讚口不絕。
電視截屏
戴媽媽上台後，即精靈地與主持林盛斌大玩互動，談到阿仔的演出，戴媽媽笑言有時都「冇眼睇」：「有陣時唔係好想睇，尤其做衰仔嗰陣！（佢做戲點？）佢扮啲衰嘢就似咯，好嘢就好少，希望無綫監製畀啲好角色佢做，唔好淨係影佢打劫呀，點樣做壞人。」戴媽媽坦言對於兒子捱了多年，最大心願是兒子能夠獲得肯定：「攞咩獎都是但啦，有獎攞就得，唔好咁強求呀，佢個樣又咁醜樣，我講老實話吖嘛。」
戴耀明同媽咪嘅互動輕鬆搞笑得嚟又有愛，單看照片也感受到二人有多好感情。
昨晚節目播出後，不少網民直呼「喊到停不了」，更有不少留言指今後會絕對記得「戴耀明」這個名字。戴耀明事後受訪時，笑指節目播出後，不少好友傳訊息給他表示「喊咗」，令他感動了一整晚：「連好耐冇聯絡，十幾廿年冇搵嘅朋友，都整個Message嚟話感動，好耐冇試過咁嘅感覺，多謝公司搵我參與呢個節目。」
