今年施政報告想統一打工仔假期 最終難產

一連四日的復活節假期今日展開，但不少「打工仔」因為每年只有1 2天法定假期，而復活節假不包括在內，所以今日仍要返工。 職工盟昨日就去到政府總部請願，要求政府增加5日勞工假， 統一公眾法定假期，令所有打工仔都有17日假。

職工盟示威者帶同橫額及手持寫上「Give me five」的手掌型紙牌，再加特首CY的卡通頭像， 到政府總部請願。大手掌加CY的頭像，都可能有大巴掌打醒CY的意思。

不過有知情人士話，職工盟呢一巴打錯人，因為今年CY在今年的施 政報告，原本就打算加入分期實施統一打工仔假期的建議，分期將勞工假增加到和公眾假睇齊，但因為有官員大力反對，CY又 不想一意孤行，所以最後只好作罷。

Ariel問官員無乜嘢理由反對呢？知情人士不願透露，只是嘆一句「反對理由唔重要啦」，總之有利打工仔的建議就實施唔到。

聽聞商界大力反對此建議，認為會增加成本，唔知係唔係佢地影響咗官員，官員就叫停CY。

Ariel

** 博客文章文責自負,不代表本公司立場 **

南亞假難民成災，各方獻計解局。曾任保安局局長的葉劉淑儀建議，政府修改法例，重新設立禁閉式難民營，並向深圳租島建營。

假難民湧來香港，借「難民呈請」留港，只為做幾年黑工搵錢。若如葉劉建議那樣，所有用「難民呈請」理由留港者，全數送入難民營，無得打工，的確有阻嚇性，問題是那處找地建難民營呢？

葉劉就建議政府向中央政府陳情，租借深圳偏僻島嶼建難民營。

政壇高人講，各界尋求解決難民問題，方向正確。但在內地建難民島，估計會惹來大陸民眾反彈，不贊成厭惡性的事向內地搬。

佢又認為，即使借到孤島，香港修的法例對該島適用吗？可能又要人大特別批准，相當麻煩。他反問「你話可能性有多大？」